EPESOEK 4:17 - BUKUIT NE TILIIL Sireet ne Dutero Kanon

¹⁷ Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

Bukuit Ne Tilil

¹⁷ Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

BUKUIT NE TILIL

¹⁷ Amwae anyun ni, ak abaoriani eng’ Kiptaiyat, ale si mata obendate ko u ye bendoti Bororiosiek agichek, eng’ kabwatutikwak che bo buch,

EPESOEK 4:17 Referencias Cruzadas

NEEMIA 13:15

Ki ageer eng' peetuusyechooto eng' Judah alak che kityechei sabibuk eng' ole kituisye eng' peetuutap sabato, koibu ratuutigap peek che karatyi sigiroik. Ki yai ko uu nooto eng' divaik, sabibuk, logoegap mogoonik ak lautik alak tugul che ki ibu kobwa Jerusalem eng' peetuutap sabato. Ki ager kong' icheek eng' peetuunooto mat koalda amitwogik.

JEREMIA 42:19

Kagong'alaal Kamuktaindet ne Toroor agobo okweek, ee okweek che ki ong'etu che oo po Judah, kole amobe Misiri: onai komyee ole kaabaoryanwok rani.

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

LUKA 16:28

amu atinye che kitupche muut; kwo koteechi icheek, si ma pwa ole mi nyalilda ne oo.”

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

POISYONIGAP CHE KIYOKTOI 18:5

Ago ye kingo choorgei Sila ak Timoteo kobunu Makedonia, konyonji Paulo kachirchiret ne po ng'olyoot, kobaoryanjin Yahudik kole Jeso ko Kristo.

POISYONIGAP CHE KIYOKTOI 2:40

Ak kibaoryan eng' ng'aleek alak che chaang' ak ko ki il koleenji, “Osaruge eng' ibini kunuur.”

POISYONIGAP CHE KIYOKTOI 20:21

abaoryanjini Yahudik kobooto Yunanik siguunet eng' taitap Kamuktaindet ak kayaneet eng' Kiptaiyandennyo Jeso Kristo.

ROMANIK 1:21

amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

1 KORINTOEK 1:12

Ki it anyun ne amwae ko ni, ale, mwaei age tugul eng' okweek, kole, “Aa po Paulo,” kole age “Aa po Apolo,” kole age “Aa po Kepha,” ak kole age “Aa po Kristo.”

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

2 KORINTOEK 9:6

Ago amwae ni anyun ale, Ineendet ne koolei che ng'ering' kogesei agine che ng'ering'; ak ineendet ne koolei eng' aiyebindo kogesei agine che po aiyebindo.

GALATYEK 3:17

Amwae ni anyun ale; Kayomiset ne kisip kogimit Kamuktaindet, nooto Ng'atuutyet ne kinyonei ko kagobata kenyiisyek pogol ang'wan ak sosom, ko mawalei koek puch, keele, si koyai arorutyet koek ne ma tilei kiy.

GALATYEK 5:3

Ee, abaoryanjini kogeny chii age tugul ne kimuratani, ale, kiyaachei ineendet koyai Ng'atuutyet komugul.

EPESOEK 1:22

ak ki inde tuguuk tugul kogas iit eng' keldebesaigap keelyekyik, ak kogoochi ineendet koek metit eng' tuguuk tugul eng' kaniset,

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

NG'ATUTIK 27:10

Ara anyun kas iit kutitap Kamuktaindet ne Toroor Kamuktaindeng'ung' ak iyai ng'atuutikyik ak kaneetisyosyekyik che kaang'atiin ra.”

KOLOSAIK 2:18

Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

KOLOSAIK 2:4

Amwae niito ale, si ma kenaak chii age tugul eng' ng'aleegap lomset.

1 THESSALONIKEK 4:6

amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

1 TIMOTEO 5:21

Kang'atiin anyun eng' taitap Kamuktaindet, ak Kristo Jeso, ak malaikaisyek che lewenotin, ale iriip tuguuchuuto amesip itil kirwooget, ameyae kiy age tugul eng' tiytiyet.

1 TIMOTEO 6:13

Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;

2 TIMOTEO 4:1

Kang'atiin anyun eng' taitap Kamuktaindet, ak Kristo Jeso, ne tuun irwookyin che saptos ak che ki kobek, ak eng' tagunennyi ak eng' laitornatennyi;

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet: