Máciya 8:5 - Jola-Kasa Nan Yéesu anokenumuu li ésukayi yata Káfeenawum, anahaan ata kusollaali kata Lom li abil atookool min ayaakoolool aanool: |
Awu Káfeenawum, lonsoon fíle boot min utebeni boot haatiya emitayi? Maayeet! Bale Ateemit fan áwalenuli boot yok teetaam buwokaayabu bata sambunasu. Mata wahawu wájaahaleniyaawu wakaanimuu booli, ukaaneenimuu li ésukayi yata Sodom, timbeen yo to síyaat.
Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!
Li áfulum li ésukayi yata Nasalet ajow alako li ésukayi yata Káfeenawum yakoojumuu húwajahu hammuu li etaamayi yata Gálile, li etaamayi yata Sábuloŋ li yata Nefitali.
Muñeˈe anahaanawu ata kusollaali téemeel alako tomuu hákil Yéesu, li ajuk buu laketumuu eeno, li aan: — Li mal̥egenamu ánayinaawu ummu lalakolako Añiil ata Ateemit.
Muñeˈe li baj kunak, Yéesu li álaañul boot Káfeenawum. Bukanabuku li kujam kaanaku Yéesu ummu li eluufayi yoola.
Bale, nan kukokoolumuu kuban boot min kutekool, Fool li agel̥l̥en anahaanawu ata esollaaliyayi alako tomuu aanool: — Mantee jibaje kakaañen min jitek an ata Lom akila batiiboluti?
Muñeˈe Fool li áhooñul akee li kunahaanaku kata kusollaali téemeel min aanool: — Ujówetum áfulawu ummu bata anahaanawu ata esollaaliyayi, mata labaje hulim han áami li alobool.
Fúlum tó, anahaanawu áamakawu ata esollaaliyayi li áhooñul kunahaan kúl̥uba kata kusollaali téemeel min aaniil: — Jiwoogen kusollaali síteemeel síl̥uba, li kusollaali kúyii kúhaaji li kuŋen kalemboole li sifilinjebe, li kánayine koono síteemeel síl̥uba kajunkowume ubaay, ban li jifale foofuul feh boot ejow boot Sesaale kátiim, ewaatuwayi etoken li ebakiilenayi báliiŋe.
Jílus jatiita lí jítoŋ jítekumul Kúñum, kafañumuu ejowayi li kuyinoo li koon fan kuyili kujow. Li kuñak hulankalahu min kujow li ébatowayi kukel̥el̥en katantaku kata Kilet.
Bale Fool li alob anahaanawu ata esollaaliyayi li kusollaaliyaku aaniil: — Bukanabuku umbuku kufañutumuu kulako li ébatowayi, bukuluul let jiban li jiyili jifakeni.
Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.
Kúgoomaku kata Yéesu kalakomuu li ésukayi yata Jofe, li kujam kaanaku Fiyeel ummu li ésukayi yata Lida yáloyiyoolutumuu li Jofe. Li kuboñ kánayine kúl̥uba kujow kuyaakoolool koonool: — Ubonket ubil újowubenuloli, ban jakum ufiyo.