Máciya 27:54 - Jola-Kasa

⁵⁴ Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Máciya 27:54 Referencias Cruzadas

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 27:36

Nan kubaaŋumuu Yéesu li ekuluwaayi kuban li kubah to min kufooyool.

Máciya 27:40

Li kunaak koonool: — Awu jaanumuu luyilo uhum Eluufayi yata Ateemit ban li uŋa’ kunak kúhaaji min ulaañen yo uteef! Nokoomuu loon awu ommuu Añiilawu ata Ateemit, kama ufakenoolo awu humumi! Uwálowul li ekuluwaayi!

Máciya 27:43

Li Ateemit lákangume ban lansaan: «Injé emmuu Añiilawu ata Ateemit.» Muñeˈe kama boot min ujukaal mantee Ateemit fan afakenool, nokoomuu loon lafañoofañ.

Máciya 27:51

Muñeˈe no unnu, hufalalahu halakomuu li Eluufayi yata Ateemit li húhaacowumul haatiya boot li etaam hukaan ubey úl̥uba. Etaamayi li egoloo. Kugisaaku li kúwembulo.

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Máciya 8:5

Nan Yéesu anokenumuu li ésukayi yata Káfeenawum, anahaan ata kusollaali kata Lom li abil atookool min ayaakoolool aanool:

Maak 15:39

Muñeˈe anahaanawu ata kusollaali téemeel alako tomuu hákil Yéesu, li ajuk buu laketumuu eeno, li aan: — Li mal̥egenamu ánayinaawu ummu lalakolako Añiil ata Ateemit.

Hulimahu Hásuumaahu loon Lík akiic homuu 22:70

Bukanabuku feh li koon Yéesu: — Kama, awu ommuu Añool Ateemit? Yéesu li aaniil: — Jilobulo mo bukuluul humumuul, ínjemuu.

Hulimahu Hásuumaahu loon Saŋ akiic homuu 19:7

Kusuwifaku li koonool: — Olóli jibaje eluwa, ban loon eluwaayi inyu elobumuu Yéesu laate aket, mata laane okila Añool Ateemit.

Bakaanelabu 10:1

Bajeene li ésukayi yaaneyimuu Sesaale anahaan ata kusollaali téemeel kata Lom, an kunaake koon Kooluney. Akila aakenumuu kayooŋaku kata kusollaaliyaku kata Lom kan koonemuu «Kayooŋ Itali».

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 21:32

Anahaanawu li ayaan aŋa’ esollaali li kunahaan kata esollaali téemeel, min kutey boot bata búsukabu. Nan búsukabu bujukumuu anahaanawu li esollaaliyayi, li kukat kútekaku kata Fool.

Bakaanelabu 23:17

Muñeˈe Fool li áhooñul akee li kunahaanaku kata kusollaali téemeel min aanool: — Ujówetum áfulawu ummu bata anahaanawu ata esollaaliyayi, mata labaje hulim han áami li alobool.

Bakaanelabu 23:23

Fúlum tó, anahaanawu áamakawu ata esollaaliyayi li áhooñul kunahaan kúl̥uba kata kusollaali téemeel min aaniil: — Jiwoogen kusollaali síteemeel síl̥uba, li kusollaali kúyii kúhaaji li kuŋen kalemboole li sifilinjebe, li kánayine koono síteemeel síl̥uba kajunkowume ubaay, ban li jifale foofuul feh boot ejow boot Sesaale kátiim, ewaatuwayi etoken li ebakiilenayi báliiŋe.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 27:43

Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.

Búhiisenumabu 11:13

No unnu, etaamayi li egoloo ŋáa’. Bugebabu buŋenenabu bata ésukayi li buhumo, min bukan koono sínjunne hutok li síl̥uba kuket li kagoloolaku unku kata etaamayi. Bukanabuku kasaŋomuu li kúkoli ŋáa’, li kúbinken Ateemit ammuu haatiya emitayi.