Máciya 11:23 - Jola-Kasa

²³ Awu Káfeenawum, lonsoon fíle boot min utebeni boot haatiya emitayi? Maayeet! Bale Ateemit fan áwalenuli boot yok teetaam buwokaayabu bata sambunasu. Mata wahawu wájaahaleniyaawu wakaanimuu booli, ukaaneenimuu li ésukayi yata Sodom, timbeen yo to síyaat.

Máciya 11:23 Referencias Cruzadas

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 16:18

Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.

Máciya 17:24

Nan Yéesu li kúgoomaku koola kúliiŋumuu Káfeenawum, kayabemuu búhalabu bata Eluufayi yata Ateemit, li kubil kujuk Fiyeel min kugel̥l̥enool koonool: — Kama anahaanawu ooluul áhaleliit búhalabu bata Eluufayi yata Ateemit?

Máciya 4:13

Li áfulum li ésukayi yata Nasalet ajow alako li ésukayi yata Káfeenawum yakoojumuu húwajahu hammuu li etaamayi yata Gálile, li etaamayi yata Sábuloŋ li yata Nefitali.

Máciya 8:5

Nan Yéesu anokenumuu li ésukayi yata Káfeenawum, anahaan ata kusollaali kata Lom li abil atookool min ayaakoolool aanool:

Hulimahu Hásuumaahu loon Lík akiic homuu 10:15

Awu Káfeenawum, lonsoon fíle boot min utebeni boot haatiya emitayi? Maayeet! Ateemit fan áwalenuli boot yok teetaam dín kaketumuu kommuu.

Hulimahu Hásuumaahu loon Lík akiic homuu 14:11

Mata an atebenoolomuu, Ateemit fan awalenool, bale an awalenoolomuu, Ateemit fan atebenool.

Hulimahu Hásuumaahu loon Lík akiic homuu 16:23

Anáyinaawu abajaawu li alako sílaam sáamak, ban kaketumuu kommuu. Li ateb kúkilool, li aŋanden Abulaham buko li Laasaal tin tano.

Hulimahu Hásuumaahu loon Lík akiic homuu 4:23

Yéesu li aaniil: — Manooman fan jilobom húl̥okuwahu unhe: «Awu ammuu abuntena, ubuntenoolo awu humumi.» Fan foof joonom: «Jijame wahawu feh wan ukaanumuu li ésukayi yata Káfeenawum, muñeˈe ukaan taate li ésukayi yooli wahawu wanolawu.»

Bakaanelabu 2:27

Let ukat yaalom bándoo bata kaketumuu. Ban let ukatom, ínje jammuu ooli, min ifut li huyaak.

Bakaanelabu 2:31

«Muñeˈe Dayit lajuujuk ákibben kaanaku Kilisita fan ayitowumul li eketayi. Wahawu unwu újimuu li aan: “Ateemit let akatool bata kaketumuu, ban eniilayi yoola let éfal̥ li huyaak.”

Eleetalayi yan Súd akiicumuu 1:7

Jiwayil̥o foof bukanabuku kata Sodom, li kata Gomool li kata sísuk saasu sakooj somuu, kunaake kúkaanikoomuu foof loon kumalakaabuku umbuku. Kunaanaak kúfulo bó muñaˈa, yok loon ánayine li uhinten afaalool ánayine. Kubaje katek li sambunasu sáhokoweliitumuu, min lako búhiisenum boot li alolaal foofolaal feh.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 11:8

Sihuluŋasu sooliil fan sikaani li kaayeenaku kata ésukayi yáamakayi, tan Amaaŋenawu ooliil abaaŋimuu li ekuluwa. Kajawaku kan kunaake kúsalummuu ésukayi inyu, kooneyi Sodom li Ejíf.

Búhiisenumabu 20:13

Halahu li húfulenul bukanabuku kaket lómuu. Eketayi li Dán kaketumuu kommuu, li kúfulenul foof bukanabuku kaketumuu kan kookenumuu, min kutiibiil naboo li wahawu wan anoowan li buko akaanumuu.

Búhiisenumabu 6:8

Li ijuke li ijuk efilinjebe yágiiniinete. Anawu alemboomuu li yo kajawool Eket. Dín bukanabuku kaketumuu kóomimuu li naak nábul li akila. Li kuseniil sembe li bugeb bukee bata etaamayi min kuyili kumukum bukanabuku kakinumuu li bugebabu umbu, li ékundu, li bamuufaay, li úsomut, li sínuukuleŋasu sata li bujal.