Maak 2:1 - Jola-Kasa

¹ Muñeˈe li baj kunak, Yéesu li álaañul boot Káfeenawum. Bukanabuku li kujam kaanaku Yéesu ummu li eluufayi yoola.

Maak 2:1 Referencias Cruzadas

Máciya 4:13

Li áfulum li ésukayi yata Nasalet ajow alako li ésukayi yata Káfeenawum yakoojumuu húwajahu hammuu li etaamayi yata Gálile, li etaamayi yata Sábuloŋ li yata Nefitali.

Máciya 9:1

Yéesu li ájufo li busaana, min alimb húwajahu ajow boot li ésukayi yoola.

Maak 1:45

Bale nan ánayinaawu ajowumuu, li alako kakitten ésukayi tanootan feh wahawu wabajoolumuu. Mó lí múji Yéesu ayilaat anoken li ésuk min bukanabuku kujukool. Li anaak alako tíyaŋ ban wayitomuu, bale bukanabuku li kunaak kubilum banooban kutookool bo.

Maak 2:2

Bukan kameeŋe li kuwoog li ekaakayi ejow emeeŋ bib, boot to li kámbiilaku kata eluufayi. Yéesu li alobiil Hulimahu hata Ateemit.

Maak 3:20

Muñeˈe nan fúlum tómuu, Yéesu li alaañ bóot. Búsuk báamak li bumit búbil buwonnoo to li eluufayi, gay Yéesu li kúgoomaku koola kuyilaat kutiñ.

Maak 7:17

Muñeˈe nan Yéesu akat tomuu búsukabu min ajow anoken li eluufayi, kúgoomaku umbu.

Maak 7:24

Nan fúlum tómuu, Yéesu li ajow boot li etaamayi yata Tiil. Nan áliiŋ bómuu, li anoken li eluuf ban afañeenut min an ahaas; bale ayilaat ayolo.

Maak 9:28

Muñeˈe nan Yéesu alaañumuu boot li eluufayi, kúgoomaku koola li kugel̥l̥enool buko balakowe baleyiil koonool: — Wáa újiye óloli jiyilaat jikesoo buyinumabu umbu búfu’ li añiilawu?

Hulimahu Hásuumaahu loon Lík akiic homuu 4:23

Yéesu li aaniil: — Manooman fan jilobom húl̥okuwahu unhe: «Awu ammuu abuntena, ubuntenoolo awu humumi.» Fan foof joonom: «Jijame wahawu feh wan ukaanumuu li ésukayi yata Káfeenawum, muñeˈe ukaan taate li ésukayi yooli wahawu wanolawu.»

Hulimahu Hásuumaahu loon Lík akiic homuu 5:18

Kánayine kátebulo li bukal̥ ánayine abobowe, li kúliiŋul. Li kulako huŋes boot min kúnoonetum hubobahu li eluufayi min kuwalenool hákil Yéesu.

Hulimahu Hásuumaahu loon Saŋ akiic homuu 4:47

Nan ánayinaawu abukumuu añiilawu ásomutumuu ajamumuu kaanaku Yéesu labilumulo li etaamayi yata Súde boot li yata Gálile, li ajow ajukool min ayaakoolool aanool ajow boot Káfeenawum ajow afaken añoolool ásomutumuu boot eket.

Bakaanelabu 2:6

Nan kujamumuu kál̥iilaku unku, búsukabu li buwoog. Muñeˈe li kusego ŋáa’, mata anoowan li buko lajanjam bukanabuku káyinenumuu li kulob li elobayi yoola.