Bakaanelabu 22:25 - Jola-Kasa

²⁵ Bale, nan kukokoolumuu kuban boot min kutekool, Fool li agel̥l̥en anahaanawu ata esollaaliyayi alako tomuu aanool: — Mantee jibaje kakaañen min jitek an ata Lom akila batiiboluti?

Bakaanelabu 22:25 Referencias Cruzadas

Máciya 10:17

Jíkaanum bukanabuku, mata fan kújowetumuul ban tiibemuu, ban li kuŋa’ kuul̥ min kutekuul li siluufasu sata kal̥awaku.

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Máciya 8:8

Anahaanawu ata kusollaaliyaku kata Lom li aanool: — Injé itookut min únokenul búmbaam. Ulob hulim hano bale, alokaawu úmbaam fan afak.

Bakaanelabu 10:1

Bajeene li ésukayi yaaneyimuu Sesaale anahaan ata kusollaali téemeel kata Lom, an kunaake koon Kooluney. Akila aakenumuu kayooŋaku kata kusollaaliyaku kata Lom kan koonemuu «Kayooŋ Itali».

Bakaanelabu 16:37

Bale Fool li aan bukanabuku kan kúboñulumuu: — Waa? Kújokoli kutek hákil ésukayi feh, buko bátiibutoli jak loon kaanemuu, áloli jammuu bukan kata Lom, ban li kúŋaloli kujow kukul̥! Líiŋ muñeˈe li kufañ min kúkatenoli an bahaasut? Let baj! Buko humumiil kubil kúkatenoli!

Bakaanelabu 22:26

Nan anahaanawu ummu ajamumuu kulimaku unku, li ajow áhebul anahaanawu oola aanool: — Bale awu luhaase wahawu wan ulakomuu li ukaan? Anáyinaawu ummu an ata Lom!

Bakaanelabu 23:17

Muñeˈe Fool li áhooñul akee li kunahaanaku kata kusollaali téemeel min aanool: — Ujówetum áfulawu ummu bata anahaanawu ata esollaaliyayi, mata labaje hulim han áami li alobool.

Bakaanelabu 23:27

Kusuwifaku kujoojok anawu ummu, ban booteen min kumukool, li ijam kaanaku kama okila an ata Lom. Li iŋa’ kusollaaliyaku kúmbaam min jijow jifakenool.

Bakaanelabu 25:16

Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 27:3

Li líiŋ hunak hukaten li jiŋej Sidoŋ. Súliyis acookoomuu Fool jak, li akatool min ajow ajuk kubukewool min kusenool wahawu wan jokoolumuu li wo.

Bakaanelabu 27:43

Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.