Li líiŋ hunak hakee tinak bakel̥e, ewaatuwayi éhaajutayi balehene, Kooluney li ajuk li kahimmo amalaka ata Ateemit feet, ánokenulo boola min aanool: — Kooluney!
Bakaanelabu 9:10 - Jola-Kasa Muñeˈe li baj li ésukayi yata Damaas ágoom akee ata Yéesu an koone Ananiyaas. Amaaŋenawu li aanool li kahimmo: — Ananiyaas! Ananiyaas li átuul aan: — Oóyi, Amaaŋen. |
Li líiŋ hunak hakee tinak bakel̥e, ewaatuwayi éhaajutayi balehene, Kooluney li ajuk li kahimmo amalaka ata Ateemit feet, ánokenulo boola min aanool: — Kooluney!
— Li ésukayi yata Jofe lilakowe, muñeˈe li ilako kal̥aw Ateemit, li ijuk kahimmo. Li ijuk li kahimmowaku wah ukee wanokoole loon kahul káamak, kátuki li uleebesawu ubakiilawu wata ko, li úwalowumul li emitayi ubil boot tan ilakomuu.
Fiyeel li anab li amalakaawu min kúfulul li hukul̥ahu. Ahaasut aan wahawu wan amalakaawu akaanemuu li wo, wah wata mal̥egen: min ayin li aan wah wata kahimmo.
Muñeˈe nan Fool ajukumuu kahimmowaku unku fú’ tó, li jiyaan jiŋes min jijow boot Maseduwaan, mata jíyinenyinen kaanaku Ateemit láhooñolihooñ mata min jijow jiwaale Hulimahu Hásuumaahu bukanabuku kata etaamayi inyu.
Li líiŋ li hukahu, Fool li ajuk li kahimmo ánayine ata Maseduwaan, mayitowe hákilool min al̥okoolool aanool: — Ubil boot Maseduwaan min úlambenoli!
Li líiŋ li ehuka yakee, Amaaŋenawu li alob Fool li kahimmo aanool: — Sákoli, awu ulob, ban jakum ulu,
«Ateemit laane wahawu unwe wommuu li ubaj li kunakaku kúbanumaku: fan iŋa’ li Buyinumabu búmbaam ikaan li bukanabuku feh. Fan ílobum li kuñooluul káyine, li kuñooluul kaale. Injé Ateemit fan íhiis mal̥egenamu múmbaam kuñooluul kátit. Ban siñaakanasu sooluul, fan síhaasum mal̥egenamu múmbaam li sísaahut.
«Li baj li ésukayi inyu ánayine akee an koone Ananiyaas. Ananiyaas li akaan an áyinene ŋáa’, ban li anab li eluwaayi feh kata Damaas li kunaak kulob majake bale kuya li akila.
Ban, lajuujuk li kahimmo ánayine akee an koone Ananiyaas, ánokenulo áliiŋul li aŋa’ kuŋenool awalen li akila mantee li alaañen ajuk.
Nan ilakomuu li ésukayi yata Damaas, águubelunaalawu ata áyiiyawu an koonemuu Aletaas, lalollob bukan min kufooy wámbiilawu wata ésukayi bánum li kujokom.
Ijowut foof boot Yeelusalem ijow ijuk bukanabuku kajandommuu kulako kufootal, bale liyansaan ijow boot li etaamayi yata Aalabi, ban li ílaañumul bo boot li ésukayi yata Damaas.