Bakaanelabu 16:10 - Jola-Kasa

¹⁰ Muñeˈe nan Fool ajukumuu kahimmowaku unku fú’ tó, li jiyaan jiŋes min jijow boot Maseduwaan, mata jíyinenyinen kaanaku Ateemit láhooñolihooñ mata min jijow jiwaale Hulimahu Hásuumaahu bukanabuku kata etaamayi inyu.

Bakaanelabu 16:10 Referencias Cruzadas

Bakaanelabu 10:29

Mó mújimuu, nan jíhooñulommuu, li ibil ínje báwettoolut. Muñeˈe lifañe min ihaas wahawu wájimuu li joonom ibil.

Bakaanelabu 14:7

Bo umbu foof, li kuwaale bo Hulimahu Hásuumaahu.

Bakaanelabu 16:9

Li líiŋ li hukahu, Fool li ajuk li kahimmo ánayine ata Maseduwaan, mayitowe hákilool min al̥okoolool aanool: — Ubil boot Maseduwaan min úlambenoli!

Bakaanelabu 26:13

Ayíi, muñeˈe li ilako ejowayi li bútinabu banakabu bayitene, li ijuk mawuŋe maleñe muhaŋ banakabu, li múfulumul li emitayi mubil muhiitenom múwooñen, ínje li kufaalom kan jinaboomuu.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 9:10

Muñeˈe li baj li ésukayi yata Damaas ágoom akee ata Yéesu an koone Ananiyaas. Amaaŋenawu li aanool li kahimmo: — Ananiyaas! Ananiyaas li átuul aan: — Oóyi, Amaaŋen.