Bale nan káyinenumuu kubilumuu kúguutool, Fool li ayito ban li ajow anoken li ésukayi. Hunak hukaten, li anaboo li Balunabaas kujow boot Delubi.
Bakaanelabu 20:4 - Jola-Kasa Sofateel ammuu añiilawu ata Fíilus, akinumuu li ésukayi yata Beele, li Alisitaak buko li Sókondus kata ésukayi yata Tesalonik, Gáyiyis ata ésukayi yata Delubi, li Tímote buko li Tisik, li Tolofim káfulumulomuu li etaamayi yata Aasi, li kútiŋen Fool. |
Bale nan káyinenumuu kubilumuu kúguutool, Fool li ayito ban li ajow anoken li ésukayi. Hunak hukaten, li anaboo li Balunabaas kujow boot Delubi.
Bale nan Fool buko li Balunabaas kuhaasumuu uyinoolawu wooliil, li kutey boot li sísukasu san koonemuu Lisit li Delib, sammuu li etaamayi yata Likawoni, li halaabahu hata bo.
Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.
Buyinumabu Banabaabu li buhi’ Fool buko li Silaas kúwaalewum Hulimahu hata Ateemit li etaamayi yata Aasi. Muñeˈe li kújowum li etaamayi yata Filiisi li yata Galasi.
Muñeˈe Fool buko li Silaas li kújowum Anfífoliis kulo Afoloni, ban li kuhaaŋ boot Tesalonik tan Kusuwifaku.
Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.
Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.
Baje li alolaal bukan káfulumulo li etaamayi yata Faat, yata Medi li yata Elaam, yata Mesofotami, yata Súde li yata Kafados, yata Font li yata Aasi.
Fool, li ajok li mal̥egen min ájowum Efées, ban let ayiten to, jakum bil afiyo li etaamayi yata Aasi. Li alako esommen mantee li ayiliyeen, li áliiŋ Yeelusalem li hunakahu hata kagaanaku kata Fantokot.
Nan kúŋejulumuu boola, li aaniil: — Jihaase buu liloŋumuu li bukuluul taŋayi feh yan ikaanumuu li bukuluul, kítum li hunakahu hútinaalahu nan ibilumuu li etaamayi yata Aasi.
(Kusuwifaku kulollob loon muñaˈa mata min kujukumuu Tolofim ata Efées buko li Fool li ésukayi. Li kunaak kuyin li koon Fool lakaanookaan anoken li eluufayi yata Ateemit.)
Li jíjufo li ébato yata ésukayi yata Adalamit, yalakowe li ejow ejooŋoo li úsikawu wata etaamayi yata Aasi, min jijow. Alisitaak alakomuu an ata ésukayi yata Tesalonik yammuu li etaamayi yata Maseduwaan, áloli jinaboole.
Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.
Gáyiyis ayabommee boola lasaafuluul. Boola foof ejanguwayi feh ewoogemuu. Elaas ahahenemuu sídalamasu sata ésukayi yata Lom, lasaafuluul. Atuyolaal Kaalitis foof lasaafuluul. [
Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.
Li mal̥egenamu, Yéesu Kilisita ammuu Añiilawu ata Ateemit, an Silaas lí ínje humumom jiwaalemuu booluul, alet «éehe’» li «a’aa’». Li okila «éehe’» bale ebaje.
Atuyolaal Tisik an uboolaataalumuu, ammuu aloka ata mal̥egen ata Amaaŋenawu, fan alobuul múmbaam feh, mantee li jihaas buu leeno, li waa likaane li wo.
Líyinene li Amaaŋenawu ban let fiyo, mantee li ijam kaciimanciim kooluul, li ibaj kawankulen.
Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).
Atuyolaal Ticik an uboolaataalumuu, fan alobuul múmbaam feh. Lakankaan aloka ata mal̥egen li anaboolawom li bulokabu bata Amaaŋenawu.
Injé Fool ammuu afootal ata Yéesu Kilisita li búlobum bata Ateemit humumool, ammuu Afakenaawu oololaal li Yéesu Kilisita an úkangumaalumuu li akila,
ínje ikiiculo eleetalayi inye boot li awu Tímote ammuu añoolom an iboolaatumuu: Ateemit Atuubaawu li Yéesu Kilisita ammuu Amaaŋenawu oololaal kujow kuseni káji, kabonket li kásuumaay.
Elaas li ésukayi yata Koolent lálakowulo. Tolofim li ésukayi yata Milet líkatulool másomute.
Nan emmuu íboñuli Alitemaas mantee foof Ticik, li ukaan wahoowah min ubil újowubenulom li ésukayi yata Níkofoliis, mata bo lifañe min ikaan taŋayi yata kutontaku.
Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.