Bakaanelabu 19:29 - Jola-Kasa

²⁹ Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.

Bakaanelabu 19:29 Referencias Cruzadas

Bakaanelabu 13:5

Nan kúliiŋumuu li ésukayi yan koonemuu Salamiin, li kuwaale Hulimahu hata Ateemit bukanabuku li siluufasu sata kal̥awaku. Saŋ Maak li buko foof lalakowe boot kalambeniil.

Bakaanelabu 16:12

To untu jíjowummuu boot Fílib, yammuu ésukayi yáamakayi yata etaamayi yata Maseduwaan, yan kata Lom kookenumuu. Li jikaan li ésukayi inyu kunak kameeŋe.

Bakaanelabu 16:9

Li líiŋ li hukahu, Fool li ajuk li kahimmo ánayine ata Maseduwaan, mayitowe hákilool min al̥okoolool aanool: — Ubil boot Maseduwaan min úlambenoli!

Bakaanelabu 17:8

Kulimaku unku li kúji búsukabu li kunahaanaku kata ésukayi li kúguul̥oo.

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 19:22

Muñeˈe li aboñ kúl̥uba li kulambenaaku koola, Tímote buko li Elasit, boot li etaamayi yata Maseduwaan. Bale akila humumool li afan alako jakee li etaamayi yata Aasi.

Bakaanelabu 19:32

Muñeˈe no unnu, ésukayi feh li éguul̥oo: kukee fan kulob butiya maame, kaabuku li kulob maama. Ban bukan kameeŋe li buko kuhaasut wáa újiye ésukayi li ebil éfimboo tó.

Bakaanelabu 20:34

Bukuluul humumuul jihaase joon li kuŋenom lílokume, min ibaj wah boot li buloŋom li bata kanaake kunabumuu lí ínje.

Bakaanelabu 20:4

Sofateel ammuu añiilawu ata Fíilus, akinumuu li ésukayi yata Beele, li Alisitaak buko li Sókondus kata ésukayi yata Tesalonik, Gáyiyis ata ésukayi yata Delubi, li Tímote buko li Tisik, li Tolofim káfulumulomuu li etaamayi yata Aasi, li kútiŋen Fool.

Bakaanelabu 21:30

Esúkayi feh li éguul̥oo, min bukanabuku kunaak kúteyumul banooban. Li kujok Fool kúfuletum tíyaŋ eluufayi yata Ateemit, ban li kuyaan kusommen kubab wámbiilawu.

Bakaanelabu 21:38

Kama inti awu ommuu anawu ata Ejíf ájimuu ésukayi li éguul̥oo kunakaku unke, ban li aŋa’ bukan koono sínjunne sibakii kamuke bukan, ájowetum li kayiinaayaku?

Bakaanelabu 27:2

Li jíjufo li ébato yata ésukayi yata Adalamit, yalakowe li ejow ejooŋoo li úsikawu wata etaamayi yata Aasi, min jijow. Alisitaak alakomuu an ata ésukayi yata Tesalonik yammuu li etaamayi yata Maseduwaan, áloli jinaboole.

Kata Lom 16:23

Gáyiyis ayabommee boola lasaafuluul. Boola foof ejanguwayi feh ewoogemuu. Elaas ahahenemuu sídalamasu sata ésukayi yata Lom, lasaafuluul. Atuyolaal Kaalitis foof lasaafuluul. [

1 Kata Koolent 1:14

Lisale Ateemit min íbatiisewutumuu anoowan li bukuluul ábuti lí Kílisifis buko li Gáyiyis.

1 Kata Koolent 4:9

Li mal̥egenamu, lenseen kama Ateemit lákaanolikaan áloli kufootalaku li foof hákil bukanabuku.

2 Kata Koolent 8:19

Bale inti wahawu unwu bale. Sijanguwasu sil̥usool boot min alako anaboola óololi li kañaahoolaku unke kata bulok bata kakaan wah wajake, ban kúsenolimuu boot li kasal kata Amaaŋenawu humumool, li káhiis kaanaku jifanfañ min jilamben.

Kata Kolos 4:10

Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).

Filemoŋ 1:24

Maak li Alisitaak, li Demaas li Lík kammuu kufaalom kata bulok, kúsaafuli foof.

3 Saŋ 1:1

Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.