Kata Fílib 2:19 - Jola-Kasa

¹⁹ Líyinene li Amaaŋenawu ban let fiyo, mantee li ijam kaciimanciim kooluul, li ibaj kawankulen.

Kata Fílib 2:19 Referencias Cruzadas

Máciya 12:21

min bukanabuku feh kata etaamayi kúkangum li akila.»

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Kata Lom 15:12

Esay li alaañen aan: «Akee li bubukoolumabu bata Jeese fan abil álaŋul, fan ayito min aaken bukanabuku kaletumuu kusuwif, ban fan kuŋa’ kákangumaku kooliil kukaan li akila.»

Kata Lom 16:21

Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.

1 Kata Koolent 4:17

Wahawu unwu újimuu li íboñuluul Tímote, ammuu añoolom an iboolaatumuu, ban li átuk lit li Amaaŋenawu. Fan awayil̥enuul buu ínje iloŋemuu li Yéesu Kilisita, loon foof liliikene bomuu tanootan li sijanguwasu feh.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 2:18

Li manolamu, bukuluul foof eete súumuul, ban li jilako li ésuumansuum boot lí ínje ló.

Kata Fílib 2:28

Boot min isommen íboñuluul ó’ mantee li jilaañen jibaj ésuumansuum bukuluul bajukelool, min buyinaabu búmbaam buban.

1 Kata Tesalonik 3:2

ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,

1 Kata Tesalonik 3:5

Wahawu unwu újimuu emmuu iyilaat ikob fiyo, li íboñul Tímote abil agel̥l̥en mata káyinenaku kooluul. Líkoliyenkoli min Sayitaane abuntuul, min bulokabu bóololi feh bulako kakaal̥o.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Saak 4:15

Sin muñeˈe jooteenumuu jinaak jilob: «Amaaŋenawu afañumuu, fan uloŋaal min ukaanaal wahawu unwe mantee foof unwa.»

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.