Filemoŋ 1:24 - Jola-Kasa

²⁴ Maak li Alisitaak, li Demaas li Lík kammuu kufaalom kata bulok, kúsaafuli foof.

Filemoŋ 1:24 Referencias Cruzadas

Bakaanelabu 12:12

Nan Fiyeel ahaasumuu mabajoolumuu, li ajow boot li eluufayi yata Mali abukumuu Saŋ aaneyimuu foof Maak. Bukan kameeŋe buko dó mawooge min kulako kal̥aw.

Bakaanelabu 12:25

Nan Balunabaas buko li Sóol kukaanumuu bulokabu booliil Yeelusalem kuban, li kulako li kulaañ li kújowetumoo Saŋ an koonemuu Maak.

Bakaanelabu 13:13

Fool li kufaalool li kújufowum Fafoos li ébato, min kujow boot li ésukayi yata Feelus li etaamayi yata Fanfili. Saŋ Maak li akatiil to min alaañ boot Yeelusalem.

Bakaanelabu 19:29

Búgugguloolabu li buyiisoo buban ésukayi feh yata Efées. Búsukabu li bújokul bukan kúl̥uba kata Maseduwaan, Gáyiyis buko li Alisitaak, kanaake kunaboomuu li Fool, min húmimahu hata búsukabu huhuuñ li buko boot li hukaakahu.

Bakaanelabu 27:2

Li jíjufo li ébato yata ésukayi yata Adalamit, yalakowe li ejow ejooŋoo li úsikawu wata etaamayi yata Aasi, min jijow. Alisitaak alakomuu an ata ésukayi yata Tesalonik yammuu li etaamayi yata Maseduwaan, áloli jinaboole.

2 Kata Koolent 8:23

Tit akila anaboolawom laam, ban áloli fóofoli jóomi li bulokabu boot li bukuluul. Kutuyolaal kaabuku kánabulumuu li Tit, buko sijanguwasu síboñuliil, min kulok boot li kasalaku kata Kilisita.

Kata Fílib 2:25

Lijuujuk li een jaajak min ílaañenuluul atuyolaal Efáfulodit, ammuu anaboolawom ata bulok li ata bútaj, okila an jíboñulomuu abil alambenoolom li wahawu wan jokommuu li wo.

Kata Fílib 4:3

Imban awu humumi foof ammuu afaalom aloka ata mal̥egen, lil̥awi min ulamben kanaalaabuku umbuku kúl̥uba. Kutattaj boot li Hulimahu Hásuumaahu lí ínje ló, famen to foof Kilema li kufaalom kaabuku feh kata bulok, kan ujawawu wooliil wommuu li éliibalayi yata buloŋabu.

Kata Kolos 4:10

Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).

Kata Kolos 4:14

Lík ammuu abuntena buko li Demaas kan uboolaataamuu, kusaafuluul.

1 Fiyeel 5:13

Bukanabuku kammee baabe Babiloon kan Ateemit al̥usumuu loon bukuluul, kusaafuluul. Maak foof ammuu añoolom lasaafuluul.

3 Saŋ 1:8

Mó mújimuu alolaal lootaale uyabaal bukan loon umbuku, mantee li ulambenaaliil li bulokabu ban kommuu li kakaanaku min mal̥egenamu muhaasi.