Bakaanelabu 16:6 - Jola-Kasa

⁶ Buyinumabu Banabaabu li buhi’ Fool buko li Silaas kúwaalewum Hulimahu hata Ateemit li etaamayi yata Aasi. Muñeˈe li kújowum li etaamayi yata Filiisi li yata Galasi.

Bakaanelabu 16:6 Referencias Cruzadas

Hulimahu Hásuumaahu loon Lík akiic homuu 1:2

Kukittenkitten wahawu wabajumuu loon bukanabuku humumiil kamaat womuu li húkitumahu, kukittenolaal womuu. Bukanabuku umbuku muñeˈe kuwaaleya kata Hulimahu hata Ateemit.

Bakaanelabu 10:19

Emmuu Fiyeel okila baloŋe li kayinoolaku min ahaas waa Ateemit afañe alobool li kahimmowaku unku, muñeˈe Buyinumabu Banabaabu li boonool: — Ujanten, baje kánayine kúhaaji kaŋese li awu.

Bakaanelabu 11:12

Buyinumabu Banabaabu li boonom ijow inaboo li buko báwettoolut. Bukanabuku umbuke hutok li anolawu káyinenumuu li Yéesu, kan íŋalulomee taate, buko kútiŋenulommuu boot li ésukayi yata Sesaale, ban áloli fóofoli feh jinokennoken li eluufayi yata Kooluney.

Bakaanelabu 16:7

Nan kujowumuu kulehen etaamayi yata Miisi, li kufañeen min kujow boot Bitini, bale Buyinumabu bata Yéesu bukatutiil min kujow.

Bakaanelabu 18:23

Muñeˈe nan alako tomuu fiyo jatit, li ahaaŋ. Li ajand ájowum li etaamayi yata Galasi alo li yata Filiisi, min aliten kúgoomaku feh li káyinenaku kooliil.

Bakaanelabu 19:10

Fool li akaan mo jow baj simit síl̥uba, yok bukanabuku feh kata etaamayi yata Aasi, Kusuwifaku li kata Gilees, kujam hulimahu hata Amaaŋenawu.

Bakaanelabu 20:16

Fool, li ajok li mal̥egen min ájowum Efées, ban let ayiten to, jakum bil afiyo li etaamayi yata Aasi. Li alako esommen mantee li ayiliyeen, li áliiŋ Yeelusalem li hunakahu hata kagaanaku kata Fantokot.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Bakaanelabu 20:4

Sofateel ammuu añiilawu ata Fíilus, akinumuu li ésukayi yata Beele, li Alisitaak buko li Sókondus kata ésukayi yata Tesalonik, Gáyiyis ata ésukayi yata Delubi, li Tímote buko li Tisik, li Tolofim káfulumulomuu li etaamayi yata Aasi, li kútiŋen Fool.

Bakaanelabu 21:27

Nan kunakaku hutok li kúl̥uba kulakomuu li kuban, Kusuwif kata etaamayi yata Aasi li kujuk Fool li eluufayi yata Ateemit. Li kúkiŋul búsukabu feh min bujok Fool.

Bakaanelabu 6:9

Muñeˈe kukee li bukanabuku kanaake kuwoogumuu li eluufayi yata kal̥awaku. Li kulako búwonnoo li Ecen.

Bakaanelabu 8:29

Buyinumabu Banabaabu li boon Fílib: — Ujow ukooj esaaletayi inya min unab li yo.

Kata Lom 16:5

Jisaafom foof bukanabuku kata ejanguwayi yammuu li eluufayi yooliil. Jisaafom Efenet an íboolimuu ŋáa’. Okila ajandumuu feh áyinen li Yéesu Kilisita li etaamayi yata Aasi.

1 Kata Koolent 12:11

Wahawu unwu feh Buyinumabu banolabu bukaane wo. Bo busene anoowan káji kábute, loon bufañumuu.

1 Kata Koolent 16:1

Muñeˈe mata sídalamasu sasenimuu boot li bukanabuku káyinenumuu li Yéesu kammuu li ésukayi yata Yeelusalem, bukuluul foof jinab li kulimaku kan isenumuu bukanabuku kata sijanguwasu sammuu li etaamayi yata Galasi.

1 Kata Koolent 16:19

Sijanguwasu sammuu li etaamayi yata Aasi sisaafuluul. Akilaas buko li Filisila li Ejanguwayi yawoogemuu booliil, kusaafuluul ŋáa’ li kajaw kata Amaaŋenawu.

2 Kata Koolent 1:8

Kútuyoli, jifañe min jikaanuul min jihaas mata sílaamasu san áloli jibajumuu li etaamayi yata Aasi. Sílaamasu unsu silulluuk sijow síhaŋoli sembe, gay li jíyeko min joon let jiloŋ.

Kata Galasi 1:2

Injé li kutuyolaal feh kammee baabe jikiiculo eleetalayi inye min jisaaf bukanabuku kata sijanguwasu sammuu li etaamayi yata Galasi.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

2 Tímote 1:15

Loon uhaasumuu, bukanabuku feh kata etaamayi yata Aasi kubetombet búsol, ban Fiseel li Elimosen bukomuu.

2 Tímote 4:10

Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.

Eébulo 11:8

Káyinen kújimuu Abulaham li átuul nan Ateemit ahooñoolumuu boot áfu’ li ésukayi yoola, min ajow boot li etaamayi yan ammuu li asenool akil. Abulaham li ajow okila bahaasut bay lajeˈe boot.

1 Fiyeel 1:1

Injé Fiyeel, ammuu afootal ata Yéesu Kilisita, ikiiculo eleetalayi inye boot li bukuluul jammuu bukanabuku kan Ateemit al̥usumuu, ban li jiyiisoo jijow jóomi li buloŋ loon ejawoola li sísukasu sata etaamayi yata Font, yata Galat, yata Kafados, yata Aasi li yata Bitini.

Búhiisenumabu 1:11

Hulimahu unhu li hoon: — Ukiic li éliibal wahawu wan ujukumuu, ban li uboñ yo Sijanguwasu unse hutok li síl̥uba: yata Efées, yata Simiin, yata Feelugam, yata Tiyatiil, yata Saalud, yata Filadelifi li yata Lawodise.

Búhiisenumabu 1:4

Injé Saŋ ikiiculo sijanguwasu hutok li síl̥ubaasu sata etaamayi yata Aasi: Ateemit asenuul káji li kásuumaay, akila áami tomuu, alako to nomuu, áamimuu li abil. Uyinumawu hutok li úl̥ubaawu wammuu hákil efenjeŋayi yoola yata jáyiiyaju usenuul foof káji li kásuumaay.