Ujawawu wata situuba Yéesu Kilisita sihaan, wo wommuu unwe. Yéesu Kilisita añiil ata bubukoolum bata Dayit. Dayit bubukoolum bata Abulaham.
Bakaanelabu 13:23 - Jola-Kasa Akee li bubukoolumabu bata Dayit okila ammuu Yéesu, an Ateemit akaanumuu alako Afakena ata kata Isilayeel, loon alob nomuu. |
Ujawawu wata situuba Yéesu Kilisita sihaan, wo wommuu unwe. Yéesu Kilisita añiil ata bubukoolum bata Dayit. Dayit bubukoolum bata Abulaham.
Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.
Bukanabuku kayabumuu Yéesu hákil, li kákibbenoolumuu li kunaak kúwoolen koon: «Hosanna! Usalaal Añiilawu ata Dayit! Ateemit ajow ásooniyen anawu abilummuu li kajawaku kata Amaaŋenawu! Hosanna Ateemit ata haatiya tiya!»
— Buu jiyinoole li Afakenaawu? Añool ayi laam? Kufaaliisiyeŋaku li koonool: — Afakenaawu Añiil ata Dayit.
Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.
Kama Bakiicelabu boonut kele Afakenaawu fan alako bubukoolum bata Dayit, ban li abilumul Betilehem yammuu ésukayi yata Dayit?
Olóli húmumoli jibiibil kalobuul Hulimahu unhu Hásuumaahu: wahawu wan Ateemit alobumuu kasen situubawolaal sihaan,
Bale Dayit lakankaan afulofet. Lahahhaas kaanaku Ateemit lanunnuu aanool: «Fan asen jáyiiyaju jammuu joola akee li bubukoolumabu boola, búsolool.»
«Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»
Li Yéesu bale an ayilo ábajum buloŋabu bábaneliitumuu. Mata bajut an li etaamaye an Ateemit áboñulo bukanabuku, ábute li Yéesu, boot kafakenolaal.
Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit.
No unnu, no bukanabuku kata Isilayeel foofiil feh kommuu li kufak loon bakiicelabu bulobumuu: «Afakenaawu fan áfulumul Siyoŋ, fan akaan min baj kákoli Ateemit li bubukoolumabu bata Sakob,
Injé ikiiculi eleetalayi inye, awu Tit ammuu añoolom ata mal̥egen li káyinenaku kan ubajamuu foofola: Ateemit Atuubaawu buko li Yéesu Kilisita ammuu Afakenaawu oololaal, kujow kúsooniyeni ban li kuseni kásuumaay.
Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.
Li mal̥egenamu, muñowu Ateemit ammuu li akaanuul min jiyili jinoken li Jáyiiyaju jaano tomuu boot nanoonan, jata Amaaŋenawu li Afakenaawu oololaal Yéesu Kilisita.
Li mal̥egenamu, bukanabuku kahaasumuu Yéesu Kilisita ammuu Amaaŋenawu li Afakenaawu oololaal, kukaakat bakaanelabu bajakutumuu bata adunaayi; bale kukatumuu bakaanelabu umbu bajakutumuu min bulaañen búgooteniil ban li buheekiil, buloŋabu booliil bata muñeˈe fan buhaŋ másengi bata naanaŋ.
Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.
Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.
Máyiineniyamu li húyiiyetowahu, sembaasu li huhaanaahu, wahawu unwu feh ujow ulako li Ateemit anolawu, áfakenumolaamuu li Yéesu Kilisita ammuu Amaaŋenawu.
«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»