Máciya 1:1 - Jola-Kasa

¹ Ujawawu wata situuba Yéesu Kilisita sihaan, wo wommuu unwe. Yéesu Kilisita añiil ata bubukoolum bata Dayit. Dayit bubukoolum bata Abulaham.

Máciya 1:1 Referencias Cruzadas

Máciya 1:18

Muñeˈe Yéesu Kilisita abukimuu eeno. Jaawool Mali, ánayine akee an koone Suseef aŋesool boot huyab. Muñeˈe, Mali li ahalet kútowum kukin li Suseef, li búkaanum bata Buyinumabu Banabaabu.

Máciya 1:2

Abulaham abukumuu Isaak. Isaak li abuk Sakob, min Sakob abuk Súda li kutuyool.

Máciya 15:22

Muñeˈe li baj anaale áfulumulo halaabahu unhu hata Kanaan abil boot bata Yéesu, áliiŋul li al̥okoolool butiya aanool: — Amaaŋen, ubonket úyiyenom, Añiil ata Dayit! Asúngutaawu úmbaam buyinum bajakut bújufowool, li buyokenool ŋáa’!

Máciya 3:16

Yéesu li ayaan áfulul li malamu nan Saŋ ábatiisewoolumuu aban. Muñeˈe emitayi li ébabulo. Yéesu li ajuk Buyinumabu bata Ateemit li búwalowul li kambu kata éleebaan bubil bulako li akila.

Máciya 9:27

Muñeˈe Yéesu li áfulum tó alako ejow, bukan kúl̥uba káfuume li kunab li akila, min kunaak kayaakoolool butiya koon: — Ubonket úyiyenoli, Añiil ata Dayit!

Hulimahu Hásuumaahu loon Lík akiic homuu 1:33

Fan alako áyii ata kata Isilayeel boot nanoonan. Jáyiiyaju joola let jiban.

Hulimahu Hásuumaahu loon Saŋ akiic homuu 7:42

Kama Bakiicelabu boonut kele Afakenaawu fan alako bubukoolum bata Dayit, ban li abilumul Betilehem yammuu ésukayi yata Dayit?

Bakaanelabu 2:30

Bale Dayit lakankaan afulofet. Lahahhaas kaanaku Ateemit lanunnuu aanool: «Fan asen jáyiiyaju jammuu joola akee li bubukoolumabu boola, búsolool.»

Kata Lom 1:3

Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit.

Kata Lom 4:13

Ateemit lansaan fan asen Abulaham li bubukoolumabu boola, adunaayi kutowo. Min Ateemit alobumuu kasen Abulaham adunaayi, lakowut mata lakankaan loon eluwaayi elobumuu, bale lakolako mata Ateemit lajokoojok an acole humum hata káyinenaku koola.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

Kata Galasi 3:16

Imban, muñowu foof Ateemit alobumuu kasen wah Abulaham li anawu an ammuu li abuk. Bakiicelabu boonut: «li bukanabuku kan ammuu li abuk», loon eenimuu bukan kameeŋe; bale bonsoon: «li anawu ammuu li abil alako», min lako an ano, ammuu Kilisita.

1 Tímote 2:5

Li mal̥egenamu, Ateemit ano bale abaje, ban foof an ano bale li áami li tutoo Ateemit li bukanabuku. Anawu ummu okila ammuu Yéesu Kilisita,

2 Tímote 2:8

Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu.

Búhiisenumabu 22:16

«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»