Bakaanelabu 2:30 - Jola-Kasa

³⁰ Bale Dayit lakankaan afulofet. Lahahhaas kaanaku Ateemit lanunnuu aanool: «Fan asen jáyiiyaju jammuu joola akee li bubukoolumabu boola, búsolool.»

Bakaanelabu 2:30 Referencias Cruzadas

Máciya 22:43

Yéesu li aaniil: — Kama buu kaane Dayit, li búkaanum bata Buyinumabu Banabaabu, li ahooñ Kilisita Amaaŋen? Mata Dayit lansaan:

Máciya 27:35

Muñeˈe li kubaaŋ Yéesu li ekuluwa, ban li kuñak kútuken kuyiliwum kugaboo wañawu woola.

Maak 12:36

Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Kata Lom 1:3

Bakiicelabu umbu bulollob mata Añoolool, áamummuu ál̥ahukowan li kabukiyaku koola li kalandaku kata áyiiyawu Dayit.

Kata Lom 15:12

Esay li alaañen aan: «Akee li bubukoolumabu bata Jeese fan abil álaŋul, fan ayito min aaken bukanabuku kaletumuu kusuwif, ban fan kuŋa’ kákangumaku kooliil kukaan li akila.»

2 Tímote 2:8

Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu.

Eébulo 1:1

Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

Eébulo 3:7

Wahawu unwu újimuu, loon Buyinumabu Banabaabu bulobumuu: «Síyaat, jijamumuu hulimahu hata Ateemit,

Eébulo 4:7

Mó mújimuu, Ateemit li alaañen ajok hunak hukee haaneyi «Síyaat». Muñeˈe li bil fiyo, li ájowum li áyiiyawu Dayit min alob hulimahu unhe han ulobeenaalumuu mata ho ubanaal: «Síyaat, jijamumuu hulimahu hata Ateemit, jakum jil̥aal̥en uyinumawu wooluul.»

Eébulo 6:17

Muñowu Ateemit afañumuu min áhiis haŋ maset bukanabuku kammuu li kubaj wahawu wan alobumuu kasen, kaanaku wahawu wan akila alobumuu an ayilaat wó áfulen. Wahawu unwu újimuu li anuu afamen to.

Eébulo 7:21

Nan Yéesu alakomuu álamba, Ateemit akaanool tomuu lanoosaan: «Injé Amaaŋenawu linuunuu een: “Fan ulako álamba boot nanoonan!” Ban let ílaañul li hulimahu han ilobumuu.»

2 Fiyeel 1:21

Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 19:16

Kajaw laake kakiici li hukaafaahu li huboŋahu hoola. Kajawaku ko kommuu unke: «Ayíiyawu ata kúyiiyaku li Amaaŋenawu ata kumaaŋenaku.»