1 Saŋ 4:14 - Jola-Kasa

¹⁴ Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.

1 Saŋ 4:14 Referencias Cruzadas

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:29

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 12:47

An ajamumuu kulimaku kúmbaam, ban anabut li ko, inti ínje emmuu li itiibool, mata ínje ibilut boot katiib adunaayi, bale boot kafaken yo.

Hulimahu Hásuumaahu loon Saŋ akiic homuu 3:11

Li mal̥egenamu fan ilobi: áloli jilobelob wah wan jihaase, li jilob wahawu wan jijukumuu. Bale bukuluul jifañut jíyinen wahawu wan jilobuulumuu.

Hulimahu Hásuumaahu loon Saŋ akiic homuu 3:32

Wahawu wan ajukumuu li wan ajamumuu, wo lalobemuu mata wo. Bale anoowan áyinenut li wahawu wan alobumuu.

Hulimahu Hásuumaahu loon Saŋ akiic homuu 3:34

Anawu an Ateemit aboñulomuu, kulimaku kata Ateemit lalobe, mata Ateemit lasenoosen ŋáa’ Buyinumabu boola.

Hulimahu Hásuumaahu loon Saŋ akiic homuu 4:42

Kata Samali li koon anaalaawu: — Muñeˈe inti mata wahawu wan úlobolimuu bale újiwoli li jíyinen, bale min áloli húmumoli jijamoolumuu li alob; ban jihaase joon akila ammuu mal̥egen Afakenaawu ata adunaayi.

Hulimahu Hásuumaahu loon Saŋ akiic homuu 5:39

Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe!

Bakaanelabu 18:5

Nan Silaas.

1 Fiyeel 5:12

Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.

1 Saŋ 4:10

Húbooliyahu ho hommuu unhe: inti ololaal úbooliyaale Ateemit, bale akila humumool ábooliwolaal, ban li áboñul Añoolool abil asen buloŋool bulako kasila min uhoofoolawu woololaal ubonketi.

1 Saŋ 5:9

Lúyinenaaleyinen li kulimaku kata bukanabuku, ban kulimaku kan Ateemit alobumuu mata Añoolool kuhaŋe kata bukanabuku ŋáa’.