Bakaanelabu 3:26 - Jola-Kasa

²⁶ «Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»

Bakaanelabu 3:26 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Máciya 15:24

Yéesu li aan: — Líboñuliboñul boot li bukanabuku bale kata Isilayeel kanokoomuu li kúgalalaan kájime.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Saŋ akiic homuu 4:22

Bukuluul jata Samali, wah wan jihaasut jimanene. Alóli wah wan jihaase jimanene, mata kafakaku li Kusuwifaku kubilumulo.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 13:26

«Kutuyom, bukuluul jammuu bubukoolumabu bata Abulaham, li bukuluul jamanenemuu Ateemit: alolaal Ateemit áboñulomuu Hulimahu unhu hata kafakaku.

Bakaanelabu 2:24

Bale Ateemit li ayitenumulool li eketayi, min afakenool li sílaam sata eket. Mata li mal̥egenamu eketayi ebajut sembe sanoosan li Yéesu.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 26:20

Bale lijanjand iwaale bukanabuku kata Damaas li kata Yeelusalem, fú’ tó li iwaale bukanabuku kata etaamayi feh yata Súde, li bukanabuku feh kákaanumutumuu li Ateemit balewool min eeniil kukat baloŋelabu booliil buhaanabu, min kútiiwo kunab li Ateemit ban li kúhiis li bakaaneliil kaanaku mal̥egen buloŋ buwunkul kooke.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Bakaanelabu 3:20

Jikaan momuu, Amaaŋenawu Ateemit fan asenuluul taŋ yata kayool̥o, ban fan aboñuluul Afakenaawu an afimmuu min al̥useene boot li bukuluul, ammuu Yéesu.

Bakaanelabu 3:22

Li mal̥egenamu, Móyiis lansaan: “Amaaŋenawu Ateemit ooluul fan áboñuluul afulofet loon ínje. Anawu ummu, fan alako akee li kutuyuul. Jijanten wahawu feh wan ammuu li alobuul.

Bakaanelabu 3:25

Kulimaku unke kan Ateemit alobumuu kakaan, lalollob ko boot li bukuluul jammuu bañiilabu bata kufulofetaku. Bukuluul foof jommuu bañiilabu bata húfaalumahu han Ateemit ajokoomuu li situubawuul sihaan, nan ammuu Abulaham: “Li kuñooli léetummuu ísooniyen utoŋawu feh wata etaamayi.”

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 15:29

Lihaase een nan emmuu li ibil booluul, fan ibil li kásooniyenaku foof ko feh kata Kilisita.

Kata Lom 15:8

Li mal̥egenamu boot min ilobuul kaanaku, Kilisita labiibil min alako aloka ata Kusuwifaku boot kakaan wahawu wan Ateemit alobumuu kakaan situubayiil sihaan, min áhiis kaanaku Ateemit alobumuu kakaan wah, fan akaan wo.

Kata Efées 1:3

Usalaal Ateemit! Okila ammuu Atuubaawu ata Amaaŋenawu. Lakaanolaakaan min ubajaal kásooniyen kanookan feh kata Buyinumabu haatiya li emitayi, humum hata hujokoolahu hoololaal li Kilisita.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.