Bairã, mai hirabiki. Heshe peparã, habũ Deusũ hãtxa nĩkakĩ pewamisburã, habu enabuki. Hakia heshe txakaburã, habũ ẽ hãtxa nĩkama Satanásã hãtxa besti txibãmisburã, hawenabuki.
Mateus 8:12 - Kaxinawá Bíblia (BR) Hakia nukunabu Deusũ yubabiani hawẽ hãtxa txibãkĩ ikũwãbumakẽ hatu danãtã hanua kashai sheta yẽsh yẽsh imisbu mexuhaira merã hatu urẽshanikiki— itã Kashinawa : Diosun Jesúswen taexun yuba bena yiniki Jakia nukunabu Diosun yubabiani jawen jancha chibankin ikunwanbumaken jatu danantan janua kaxai xeta yenx yenx imisbu meshujaida medan jatu udenxanikiki— itan |
Bairã, mai hirabiki. Heshe peparã, habũ Deusũ hãtxa nĩkakĩ pewamisburã, habu enabuki. Hakia heshe txakaburã, habũ ẽ hãtxa nĩkama Satanásã hãtxa besti txibãmisburã, hawenabuki.
txakabubu hanu txi nukaisma anu hatu putashãkanikiki, hanua hiwei peama haska nũ tenetiruma tenei kashai hau sheta yẽsh yẽsh inũbunã.
Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.
manaka txakabube kupihairashanikiki, beparamemisbubetã hau bika tenehairai kashai sheta yẽsh yẽsh anunã— iwanã,
Haskawẽ taeshũ mexuhaira anu hanua bika tenei kashai sheta yẽsh yẽsh ashanaibu anu na ẽ tsuma txakabu urẽtãkãwẽ”, hatu waniki— iwanã,
Hanushũ matũ shenipabu Abraão inũ hawẽ bake Isaque inũ hawẽ baba Jacó inũ Deusũ hãtxa yuishunika dasibi Deusũ mae anu dasiabu uĩ txai matu urenibuwẽ taea hatu uĩ haska mã mapeketirubumawẽ taea sheta yẽsh yẽsh iki mã kashakũkaĩshanaii.
Haska inũ, matu henekatsi ikama Deusũ hawẽ hãtxa yuishunikabu hãtxamai habuwẽ Deus matuki yubakaniki. Haskawẽ taeshũ matũ shenipabu Deusũ yubai nukũ shenipabu Abraãobe Deus hãtxakĩ matu heneama inũbariaikiri yuikĩ: “Mĩ baba betsawẽ taeshũ mĩ bababu inũ dasibi nawa betsa betsapabu shukua tibibu ẽ hatu pepawariashanaii”, aniki.
Enabu Israelburã, nukũ shenipabu anua Deusũ ana hatu ibu wakĩ hawẽ bakebu keska watã hatube hiwekĩ hawẽ kuxipa hatu uĩmai hawẽruai hatu bebunua txashahairakũkainikiaki. Hatu haska wakĩ Deusũ hawẽ yunuti inũ hawẽ nemati Moisés yusĩmakĩ hau itxashũ Deus kẽ kayabi wakubainũbũ hatu yusĩkĩ Messiaskiri hatu yubani haska manakakĩ hau txibãkubainũbũ betsa betsapakiri hatube Deus yubakakũkainikiaki.
Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.
Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.
Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.
Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.
Hawẽ kushipawẽ tsuã ibubis binutirubumawẽ taeshũ hawẽ hãtxa txibaĩ txĩtuĩsbuma Senhor Deusũ hatu mekekubaĩmiski. Hakia tsuara txakabukĩ nĩkaisbuma hatũ txakabuwẽ mawakubaĩmisbuki, meshu meranua debua keskairã.