Lucas 9:11 - Kaxinawá Bíblia (BR) yurã kaiãnẽ unãtã Jesus txibaĩbu hawa hatuki sinatama hatu ikĩ pewashũ Deus shanẽ ibushanaikiri yusĩkĩ isĩ betsa betsapa teneaibu shushawabaiaya Kashinawa : Diosun Jesúswen taexun yuba bena yiniki yudan kaianen unantan Jesús chibainbu jawa jatuki sinatama jatu ikin pewaxun Dios xanen ibuxanaikidi yusinkin isin betsa betsapa teneaibu xuxawabaiaya |
Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.
Hanushũ hatũ xinã unãtã Jesus kaĩkainaya yurã kaiãnẽ txibaĩbũ isĩ teneaibu itxapa Jesusũ hatu shushawakĩ
Jesus keti itã butukaĩkĩ yurã kaiã uĩ hatuwẽ nuihairakĩ hatunabu isĩ teneaibu hanu iyuabu hatu shushawashũpakeaya
Haskakenã, matu yukapa? Haratutũ hawẽ epã yunua nĩkatã ashuĩmamẽ?— hatu wa —Ha ha dukũ yunuimatũ nĩkakĩ ashũtanimaki— akabu Jesusũ hatu yuikĩ: —Eskatiã ikũ ẽ matu yuiaii. Naximanika João tashnimashũ haskai hiwei peti matu yusĩbia hawa matũ xinã betsa watã mã ikũwãma ikimabuki. Hakia ha governo pei bishunika txakabubu inũ aĩbu hininipabũ Joãonẽ hãtxa nĩkakĩ ikũwaĩbu uĩbiakĩ matũ mã xinã betsa wama ikubaĩxinabuki. Habiaskariai natiã nawa pei bishunikabu inũ aĩbu hininipabu Deusũ hãtxa ẽ yusĩaĩ habũ nĩkaibu Deusũ hawenabu hatu waikiki, matu binukinã— iwanã,
Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.
Jesusũ hatũ hãtxa nĩkatã hatu yuikĩ: —“Ẽ peki”, iwanã, xinaĩbu anu huni dauya kaismaki. Hakia isĩ teneaibu anu besti huni dauya kenabu kamiski.
Hanua ana betsatiã haska pepawẽ inũ txakabuwẽ kupi Deus nenu ana shanẽ ibushanaikiri mae ewapa betsa betsapa inũ mae hatiubuma anushũ Jesusũ hatu yusĩkubaunaya hawẽ 12 tsuma kuxipayabũ tapĩ habe bukubainaibũ
hatu yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia habũ Deusũ hãtxa nĩka bestiaibu miyuiwẽs besti ẽ hatuki txanikũkainaii, uĩbiakĩ hau uĩ pewayamanũbũ inũ nĩkabiakĩ hau nĩka pewayamanũbunã— iwanã,
Hanua hawẽ 12 kuxipayabũ Jesus anu txĩtũbirã haska waxinabu Jesuski txani meneabũ Jesusũ hawẽ tsumabu hanu tsua hiweabuma Betsaida dapi anu hatu iyuaya
ma bari kaya hawẽ 12 tsumabu hawẽ kuxipawẽ yununikabu Jesus dapi bea itxashũ yuikĩ: —Ma bari kaikiki. Nenu tsua hiweabumaki. Na yurã kaiãnẽ habũ hania pitirubumaki. Hau pitã huĩrukũri bunũbũ mae urama anu hatu nitxĩriwe— akabu
nitxĩkĩ yuikĩ: —Haska Deus shanẽ ibushanaikiri yusĩkubaũkĩ isĩ teneaibu mã shushawatanũ ẽ matu yunuyuaii.
Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã
Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.
Tsuã hawa nemama Deus shanẽ ibushanaikiri shabakabi hatu yusĩkĩ Deusũ Messias Jesus Cristo mekenãkiri Paulõ hatu yusĩpakekubainiki, tsuã hawa bika tenemamarã. Teófiloõ, hatiski, Jesuskiri hawẽ tsuma kuxipayabu dayakubainibukiri hãtxarã. Lucas
Haskakẽkaĩ hau Deusũ hatu mekekubainũ habũ Cristo ikũwãriabumanã, haskatã Cristo ea atirubumaki. Ha inũ, tsuabũra Cristokiri yusĩabu hawa nĩkariabumã hawẽ kakape ikũwãtirubumariki. Ha inũ, hatu yusĩriabumanushũ Cristokiri hawa tapĩtirubumariki.
Haskakiri Deusũ hãtxa yusĩmisbũ Jesus Cristokiri kakape yusĩkubainaibu besti hãtxa pepa hawẽrua nĩka pewatã yurabũ Cristo txibãkĩ ikũwãtirubuki, hatũ hãtxawenã.
Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.
Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.
Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.