2 Timóteo 4:2 - Kaxinawá Bíblia (BR)

² Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Kashinawa : Diosun Jesúswen taexun yuba bena yiniki

² Eska en mia shinanxunaidan, Diosun jancha jatu tapinmakin jawa jeneama badi tibi benuama akubainwen, janu ninkakatsis ikin ninka pewaibutian inun janu ninkakatsi ismabia inun janu bika teneaibutianan. Jaska wakin jatu ikunwanmakin jatun chakabu jatu jenemakin jatu benimawakin jatu yusiin jin jin ikama akubainwen.

2 Timóteo 4:2 Referencias Cruzadas

Salmos 40:9

Minabu mirimabu bebũshũ haska hamapai pewakĩ mĩ kaneisma shabakabi ẽ hatu unãmamiski. Mikiri hãtxai ẽ hawa pes nismaki. Ẽ haskamisrã, Senhor Deusuũ, mĩ unãhairaii.

Jonas 3:2

“Nenua benikaini Assíria nawabũ maewã ewapahaira Nínive anu kashũ haska ẽ mia yuiai harishũ hatu banabimatãwẽ”, aka

Lucas 7:23

Tsuãra ea ikũwaĩ hawẽ xinã txakabui txĩtuĩsmarã, ikũ benimashãkanikiki!— hatu wa

Lucas 7:4

Jesus anu bushũ hau shushawashuĩ kanũ ea akĩ yuishũkĩ: —Capitão nawa huni duapaki. Nukũ itxati hiwe nuku hatu amashũyamaki. Ha inũ, nukunabu abuhairariamiswẽ taeshũ merabewakĩ hawenari shushawashuĩ kawe— akeakeabu

Lucas 9:60

nemakĩ Jesusũ yuikĩ: —Haskamaki. Ikũwãma mawa keskabũ mĩ epa maiwatirubuki. Hakia mianã, na habiatiã ebe kai taekĩ Deus shanẽ ibushanaikiri yusĩkubaĩshãwẽ— akaya

Hechos 13:5

mae betsa Salamina bai butuatũ keti itã hanu hikixĩshũ hanu judeubu itxamisbu tibi anushũ Deusũ Messias Cristo mekenãkiri hatu yusĩ taewatã hatu yusĩkubauni

Hechos 16:13

hanu judeubu itxamisbu hiwe hayamakẽ sábado huĩrukũtitiã mae anua kaĩkaini hene keshashũ Deus kẽwãkĩ hanushũ Deus kuxipa yukamisbu anu kai aĩbus itxamisbuki nukutuxitã hatube tsaushũ Deusũ Katua Jesus mekenãkiri nũ hatu yusĩkĩ taewaibũ

Hechos 20:7

Habianuari domingo mexu merã haska nuku yunubaini Jesus nuku mawashuni xinãmati misi tũkeshũ pikatsi ikũwaĩbubes nũ itxa mexukiri kanũ ishũ Paulõ nuku yusĩ yamenapũ hãtxa heneriamakẽ

Hechos 28:16

ana kai mae ewapa Roma anu nũ hikia huni bitxinibu betsabu Romano shanẽ ibubũ hau hatu ana bitxinũbũ hatũ soldadobu yunutã hakia Paulo haska wama hau tari meribi hiwe betsa anu soldado bestitxai habe meneshekerabetã hau mekekubaĩshanũ yunuabu

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Gálatas 6:6

Haska inũ, tsuabũra matũ yusĩnã Deusũ hãtxa matu yusĩaĩbu mã habu nĩkaibũ matũ hawara mã haya, piti inũ mabu inũ peirã, ha pashkatã matũ yusĩnã huni hatu inãkubaĩkãwẽ, merabewakinã.

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

Colosenses 4:3

Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã.

1 Tesalonicenses 1:6

Txanima nuku nũ ikai keskai inũ nukũ Shanẽ Ibu Jesus hiweni keskai matũri mã nuku txibãyã matu itxakawakĩ matu nuitapawabiaibũ Deusũ Yushĩ Pepatũ matu benimawakubainaya Deusũ kakape mã ikũwãkubainimabuki.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

1 Tesalonicenses 5:20

Haska inũ, Yushĩ Pepatũ Deus hãtxashunika wakĩ yusĩmai danãyamakubaĩkãwẽ.

1 Timóteo 4:13

Nenua ẽ mia anu hikiriamakẽ nukũ betsabu inũ nukũ puibu Éfeso anushũ ikũwaĩbu itxabu Deusũ hãtxa hatu yuishũkĩ benimawakĩ hatũ huĩti kuxipa wakĩ hatu pe besti yusĩkĩ heneyamawe.

1 Timóteo 5:20

Hanushũ txakabu wakubainaibu pewanũ itã Deuski hatu datemakĩ dasibiburi hau daterianũbũ itxashũ nĩkaibũ pewakĩ hatu mesewakĩ shabakabi nemakubaĩwẽ.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

2 Timóteo 3:10

Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

Tito 1:13

txanima hatukiri yuikĩ aniki. Haskawẽ taeshũ hãtxa kuxipawẽ Creta anuabu nemakĩ hatu shabakabi unãmakĩ hatu kũyã akubaĩkãwẽ. Mã hatu haska waya ana hamapai tibikiri nĩkakĩ xinãma Jesus Cristokiri ikũwãkĩ pe besti xinãtirubuki,

Tito 2:15

Hatu yusĩkinã, kuxipai mestenepatã na hãtxa ẽ mia yusĩaĩwẽ hatu benimawakĩ nemakĩ hatu pewakubaĩwẽ, hau tsuã mia danãkĩ itxakawayamanunã.

Hebreus 13:22

Ẽ betsabu inũ ẽ puibuũ, ẽ kene txaipamawẽ ẽ matu merabewakĩ benimawakatsis ikai hawa eki sinatama xinã pewatã uĩrakubaĩkãwẽ.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.