João 8:12 - Kaxinawá Bíblia (BR) Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya Kashinawa : Diosun Jesúswen taexun yuba bena yiniki Templo jemaintin anuxun Jesúsun yudabu uinkin mapuabu jatu yuikin: —Eadan, mai jidabi en bin chaxajaida keskaki, jatu tapinmanikadan. Tsuabunda ea ninkatan chibainbudan, ja binki nukui jiwea bena jayakanikiki. Jaskawen taea jawa meshu medan ana biunma niama keska ixankanikiki— jatu waya |
Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya
Ha yurabu meshu merã punu nuka mapua keskabu ẽ hatu merabewaya bĩ ewapa txasha tashnia ea hawa unãbuma ha nawabu meshu merã hiwea keskabũ ha bĩ uĩshãkanikiki.
Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.
—Hamẽ betsarã, ekiri mã hatu yusĩshanairã, mã shaba keskaki. Hanu mae betsa mati mamaki hiwe hunetirubuma keska wakĩ ẽ matu yusĩaĩwẽ huneama hatu shabakabi yusĩkubaĩshãkãwẽ.
Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya
Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.
Ha shaba mã ebe ketashamekatsis ikirã, mã shaba hayayuaki. Ha shaba mã haya nĩkatã ea ikũwãkãwẽ— hatu watã hunetã nukube kaĩkainiki.
Yurabu mai anua hatu ikũwãmatanũ ika shaba keska ẽ huniwẽ taea tsuabũra ea ikũwaĩ mexu merã hari hiweama keska ishãkanikiki.
Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.
Yurabu hamapai txakabuwẽ kemui abukĩ henekatsi ikama Deusũ hãtxa shaba keska danãmisbuki. Hanushũ hatũ xinã txakabuwẽ taeshũ Deusũ hatu kupinũ, iwanã, hawẽ hãtxa shaba keska yunukĩ tashnimaniki. Haskawẽ taeshũ tsuã hawa nĩkama hawẽ bake danãkĩ txakabuwẽ besti kemumisbu Deusũ hatu kupihairashanikiki, niti akamarã.
Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.
Hamẽ bebũkiri nukukiri Yavé Deusũ Isaías hãtxamakĩ yuini nĩkakãwẽ: ‘Nawa betsa betsapa txaihaira hiweakeakeabu haskai hiwekuĩtirubu mĩ hatu yusĩkubaũshanũ mia yunukĩ ẽ mia bĩ keska waii, hau mĩ hãtxa shabakabi mai hirabi anushũ nĩkashanũbunã’, akaya Isaíasĩ nĩkatã nuku keneshuniki— hatu wa
yuikĩ: “Messiasrã, nuitapatã mawai kaikiki. Hanua ha dukũ mawa bestẽkaina ha dukũ nuku bebushuni kaikiki. Haskaxĩshũ nũ judeubu inũ judeubuma hawẽ pashati bai shaba kayabi ibubis Messias txani kaikiki”, inibu habiaskari haskakiri ẽ hatu yusĩkubaĩmiski— akaya
Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.
Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.
Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.
Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.
Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.
Haska inũ, nawabu dasibi ha maewã anu mapuirã, bĩ txasha keskawẽ mapushãkanikiki. Ha inũ, shanẽ ibu Deusunabu mai hirabi anuabũ hatũ mabu pepa Deus inãshãkanikiki.