1 João 1:6 - Kaxinawá Bíblia (BR)

⁶ Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.

Kashinawa : Diosun Jesúswen taexun yuba bena yiniki

⁶ Jakia tsuanda yuikin: “Ma en Dioski dasiaki”, ibiakin chakabuwakubaini jiwea man padananan bestiaii, chanima xabakabi jatu uinmakin mawamamadan.

1 João 1:6 Referencias Cruzadas

Provérbios 2:13

Deusũ mia mekeaya tsuara hawẽ hiwea bai pepa henebaini kaima bai atimapa yushtu keska txibãkĩ daketapai txakabu mei beyuskĩ yura betsa isĩ tenemai hunibu txakabu nawai besi atimapaibu keska mĩ hawa hatu txibãma ikũkaĩshanaii.

Mateus 7:22

Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

João 11:10

Hakia tsuara mexu merã biũma kairã, huti itirubuki, eauma kai keskarã—

João 12:35

Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.

João 12:46

Yurabu mai anua hatu ikũwãmatanũ ika shaba keska ẽ huniwẽ taea tsuabũra ea ikũwaĩ mexu merã hari hiweama keska ishãkanikiki.

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

1 Timóteo 4:2

Ha yurabu beparamenikabu inũ txanitxakanikabũ habu hawaki dakeisbuma habũ hatũ yusĩa txibãshãkanikiki.

Santiago 2:14

Ẽ betsabu inũ ẽ puibuũ, tsuabura eska hãtxamisbuki. “Ẽ Deus hiweshũkĩ pe txibãkĩ ẽ ikũwaiĩ”, ibiamisbu hakia haska Deusũ yununi ashũkĩ benimawatirubumaki, hamẽ hawẽ hãtxa bestiwẽ yuirã, hawa hawẽ ikũwaĩ kayabi shabakabi hawẽ hatu uĩmakĩ ashũamabiarã. Haska Deus ikũwaĩkiri besti hãtxamisburã, Deus anu mekei pashati hawẽ ikũwaĩ hayamaki.

Santiago 2:16

tsuãra tari inũ piti hatu inãkĩ merabewayukatsi ikama hawa hatu merabewatikiri hawẽ xinãnẽ merabenã besũmai hatũ kesha bestiwẽ yuikĩ: “Tari pe sawetã hawara piti mã pikatsis ikai pikĩ yaniwatã unãnuma hiwekũkaĩwẽ”, iwanã, hãtxa pepa yuibiakĩ haska hatu uĩmakĩ ashũamabia matũ hãtxa hamẽki.

Santiago 2:18

Haskai tsuãra ikũwã kayabi wariamabe hãtxai eskai mã unãtinãtirubuki. Matu yuinũ nĩkakãwẽ. Tsuabubera hãtxakĩ yuikĩ: “Mianã, Cristo mĩ ikũwãyã eãnã, yura betsabu ẽ merabewakubainaii, ikĩ ẽ yuiaiwẽ taeshũ haska yura betsa betsapa merabewai ẽ pe hiwemis mia uĩmakĩ haska Cristo ẽ ikũwaĩ ẽ mia uĩmatiruki. Ẽ akaya hakia miã tsuara merabewama haskara Cristo mĩ ikũwaĩ shabakabi mĩ ea uĩmatirumaki. Hãtxawẽs besti ikũwãkĩ mĩ hawara mĩ ea uĩmatirumaki”, akĩ mã hatu dakematiruki.

1 João 1:10

Hakia tsuãra yuikĩ: “Ẽ hawa txakabuwaismaki”, ikĩ Deus txani txakai dabanẽ yurabũ hawẽ hãtxa nĩka pewariama haska dasibibu nũ txakabu hayabuwẽ taea nũ haska yuitirubumaki.

1 João 1:3

Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.

1 João 1:8

Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.