1 João 1:5 - Kaxinawá Bíblia (BR)

⁵ Deus dasibi shaba keska pepahairaki, hawa parananãti txakabu hayamarã. Jesus Cristõ na kaka pepa haskakiri nuku yusĩaĩ nũ nĩkani hanushũ habiasri yusĩ nũ matuki txanikũkainaii.

Kashinawa : Diosun Jesúswen taexun yuba bena yiniki

⁵ Dios dasibi xaba keska pepajaidaki, jawa padanananti chakabu jayamadan. Jesucriston na kaka pepa jaskakidi nuku yusiain nun ninkani januxun jabiasdi yusiin nun matuki chanikunkainaii.

1 João 1:5 Referencias Cruzadas

Salmos 139:12

ha meshũ ea merabewakĩ mia anua ea hunematirumaki. Ha meshurã, shaba keskai txashahairamiski. Ha meshu inũ shabarã, minarã, habiaska dabeski.

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Isaías 2:5

Jacó enabuũ, Senhor Deusũ yusiã pepa shaba keska txibãbaini hawẽ hiwei taeribainãkãwẽ!

Isaías 60:19

Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.

Daniel 2:22

Hawara tapiã bika huĩti uke merã inũ hawara hunea unãmakĩ keyumiski. Hamapai meshu meranua unã keyuikiki. Shabarã, habia habe ketashameaki.

João 1:19

Haska Naximanika Joãonẽ Jesuskiri hatu unãmani ẽ matu yuiai nĩkakãwẽ. Jerusalém anuabũ João kakaya judeu mae shanẽ ibubũ hau João yuka tapĩtanũbũ Deusbe nukunabu hãtxashunikabu inũ Jacõ bake Levĩ bababũ enabu betsabu habu yunuabu Naximanika João anu beshũ hatũ shanẽ ibubu yukashũkĩ: —Miarã, mĩ tsuamẽ? Mĩ Messias Cristomẽ?— akabu

João 1:4

Haska inũ, hawẽ Xinaĩ Hãtxati shaba keskatũ txanima hãtxa hiwekuĩakiri hatu xinãmai

João 1:9

Hanushũ shaba keskatũ hiwekuĩakiri yusĩ hatu unãmai

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

1 Coríntios 11:23

Jesus nuku mawashuni xinãmatikiri nukũ Shanẽ Ibũ ea yusĩni ẽ maturi yusĩtani unãbiakĩ mã akĩ pewamawẽ taea ẽ matu kẽwãmaki. Ana matu yuinũ nĩkakãwẽ. Habias mexutiãri Judasĩ Jesus hatu atximakatsi ikaya hatubetã pikĩ Jesusũ misi bitã tsumashũ

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

1 João 3:11

Jesus mã ikũwãkĩ taewaya matu yusĩkĩ: “Matubetã ikũwaĩbube nui hatube abunamekubaĩkãwẽ”, ika hãtxa mã nĩkanirã, habiaskari ana ẽ matu xinãmaii.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.

Apocalipse 22:5

Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.