Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.
João 10:14 - Kaxinawá Bíblia (BR) Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki. Kashinawa : Diosun Jesúswen taexun yuba bena yiniki Jaska inun, En Epan ea unanun eandi en Epa en unain keska wakin enabu chaxuwan keskabu en jatu unanyan jabundi ea unankanikiki. Jaskaken en mekenan pepawen taea enabu chaxuwan keskabu en jatu mawaxuntiduki. |
Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.
Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.
Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.
Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.
Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.
Haska hawẽ nui mã unaĩnã, pesheixta besti hawẽ nui unãkĩ haska hawẽ nui betsa betsapa meshti akĩ mã hawa tanatirubumaki. Deusũ hawẽ kuxipa pepa haska tsuã bikĩ nũ keyutirubumakiri mã unãnũbũ ẽ matu yukashũriamiski.
Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,
Ea haska wanikẽ Deusũ hãtxa ẽ yusĩkubaũmiswẽ taeshũ itxakawakĩ ea bitxibiabũ ẽ Jesus ikũwãkĩ taewaya ea mekenitũ bari hawẽ heneaitiã ea mekekubaĩshanai unaĩ ẽ dakeamaki.
Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.
Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.
Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.
Haska matũ xinã pepa hayashũ ea txibaĩ mã hiwekũkainai ẽ unaiĩ. Haskakẽ nuinamekĩ ea ikũwaĩ txĩtuãma ea txibãkĩ ea duawanũ, iwanã, hamapai betsa betsapa pepa mã akĩ taewani mã binumai ẽ unãriaii.
Ea txibãkĩ ea dayashũkĩ bika tenei mã txĩtuãbumaki. Ha inũ, tsuabũra matu parãmisbũ yuikĩ: Jesusũ kuxipawẽ ẽ hawẽ yununikaki. Ea nĩkakãwẽ, ikaibu unãtã hatu danãkĩ
Natiã bika betsa betsapa tenei hawauma mã nuitapaibu ẽ unaiĩ. Haskabia txanima matũ manakuti itxapa nai anu matuki nũ tana mã hayaki. Ha inũ, habu matukiri hãtxa atimapa hãtxai inũ ibubiskiri yui: Ẽ judeuki, ibiai ikũ kayabiwama haska Satanásã abuai besti txibãmisbu ẽ hatu unãriaii.
Ana Jesusũ ea yuikĩ: “Hatũ Deusũ hãtxa yuinika Sardes anu itxamisbu mekea na hãtxa ẽ mia yuiai keneshũriwe: ‘Ha sete Deusũ Yushĩ ẽ haya inũ ha sete bixi ẽ tsumashũ ẽ mekeatũ ẽ matu yuiai nĩkakãwẽ. Haska mã hiweshũ hatu kaka hawẽrua nĩkamabiai uke merã mã mawa keskabu ẽ matu unaiĩ.
Mã ea txibãhairama inũ ea danãhairakubainama mã xinã bekashnaibu ẽ unaiĩ. Haskatimaki. Tsuabũra ea txibãkatsis ikĩ hau ea txibã kayabinũbũwẽ. Hakia tsuabũra ea txibãkatsis ikabuma danãkĩ hau ea hene kayabinũbũwẽ.
Eãnã, dasibi mã akubainai ẽ unaiĩ. Uĩkãwẽ. Matu bebũ matu anu beputi bepẽmana keska hawa tsuã matu bepũtiruma ẽ matu bepẽshunaki. Haskawẽ taea mã txĩtuãma ẽ hãtxa txibãkĩ mã kuxipa mirĩ hayabia eki dakeama hatu yuikĩ: Ẽ Jesusunabuki, mã imiski.