Salmos 1:6 - Kaxinawá Bíblia (BR)

⁶ Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Salmos 1:6 Referencias Cruzadas

Provérbios 14:12

Hiwei pea dabanẽ merabenã bestikũkaini hãtxai hiwemisburã, bari hawẽ heneaitiã Deusũ hawẽ huĩti pema unãtã hatu kupishanikiki, mawa kayabimakinã.

Provérbios 15:9

Haska huni txakabubũ shinã pewama hiwekubainaibu Senhor Deusũ hatu danãkĩ betxipaismaki. Hakia huni pepabũ pepa txibaĩ hiwei pekubainaibu Senhor Deusũ hatu betxipaimiski.

Mateus 7:13

ana hatu yuikĩ: —Txi nukaismakiri kairã, hanu hikiti shui inũ hawẽ kati bai hashpa keska hawẽ kai bikamawẽ taea yushĩ txakabũ bai abui yurã kaiã itxapa hawẽ bumisbuki. Hamẽ hiwekuĩakiri kairã, hanu hikiti shui inũ hawẽ kati bai haxu bika keskawẽ taea ha bai benakubaini atimas nukutã yura eskarabes hawẽ bumisbuki. Maturã, ha bai haxuki nukutã hawẽ bukĩ ea txibãkubaĩkãwẽ— itã

João 10:14

Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki.

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

2 Pedro 2:12

Ha hunibu parananãmisburã, hawa nĩkati kayabi hayabumaki, yuinakapã xinãyã keskaburã. Yuinakarã, txanima hawẽ nĩkatinĩs hiweabuki, tsuãra atxishũ deteshũ pimisbu inũ pisbumarã. Ha parananãmisbu haska keskabuki. Deusũ bai kayatapiakiri unã pewamabia hakiri hãtxatxakamisbuki. Hakia haskabu mawairã, yuinaka deteabu imis keskashãkanikiki.

1 Samuel 2:9

Hawẽ kushipawẽ tsuã ibubis binutirubumawẽ taeshũ hawẽ hãtxa txibaĩ txĩtuĩsbuma Senhor Deusũ hatu mekekubaĩmiski. Hakia tsuara txakabukĩ nĩkaisbuma hatũ txakabuwẽ mawakubaĩmisbuki, meshu meranua debua keskairã.