João 10:27 - Kaxinawá Bíblia (BR)

²⁷ Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

Kashinawa : Diosun Jesúswen taexun yuba bena yiniki

²⁷ En chaxuwanen ea unankin en jui ninkakin ea chibanbainaibu eandi en jatu unaiin.

João 10:27 Referencias Cruzadas

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

Mateus 16:24

hanua Jesusũ nũ hawẽ tsumabu nuku yuikĩ: —Tsuara eki txiti ikatsis ikirã, haska hamebi xinãmis hakimatã: “Ẽ habe mawatiruki”, ikĩ hau ea txibãkubainũbũwẽ.

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Mateus 25:12

hatu yuikĩ: “Haskamaki. Mã ea manakakĩ pewama ishuki. Mã tsuabumẽkaĩ, ẽ matu unãmaki”, hatu washanikiki— nuku watã,

Mateus 7:23

hatu yuikĩ: “Parananaĩ txanitxakakĩ mã txakabuwamiski. Mã enabumaki. Turi burikãwẽ”, ẽ hatu washanaii— itã

Marcos 10:21

Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka

Marcos 8:34

hanushũ Jesusũ hawẽ tsumabu inũ yurabu habe buaibu kenashũ yuikĩ: —Tsuabura eki txiti ikatsis ikirã, hamebi haska xinãmis hakimatã: “Bika tenei ẽ hawẽ taea mawatiruki”, ikĩ hau ea txibãkubainũbũwẽ.

Lucas 13:27

hanushũ matu yuikĩ: “Mã enabumaki. Mã hania ikimẽkaĩ? Ẽ ma matu yuishuki. Txakabuwakĩ matũ xinã mã betsa waismaki. Nenua burikãwẽ”, ẽ matu washanaii.

Lucas 9:23

hanushũ yurã kaiã hatu itxawashũ hatu yusĩkĩ yuikĩ: —Tsuabũra ea txibãkatsis iki ibubis hawenakiri haska xinãmis hau ana haska xinãyamakubainũbũwẽ. Haska inũ, “Bika tenei Jesuswẽ hawa dakeama ha keskai ẽ habe mawatiruki”, hau ikubainũbũwẽ.

João 10:14

Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki.

João 10:16

Nenu besti enabumaki, na txashuwã kene anuarã. Hakia txashuwã betsaburi Deusũ ea ma yununiki. Israelbumabiakẽ haturi ẽ mekekubaĩshanaii. Ẽ hui nĩkaibu txashuwã shukua bestitxai mekenika bestitxaiya keska Israelbũ ea ikũwaĩbube Deusũ enabu dasibi ea iweshũshãkanikiki, hatuki dasi wakinã.

João 10:8

Ẽ huriama habu dukũ bea dasibibu ẽ kenawẽ parananãkubaĩmisburã, yumetsu keskabukẽ txashuwã pepabũ hatũ hãtxa nĩkama ikubainibuki.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 21:22

Jesusũ kemakĩ: —Shanẽ ibui ẽ ana huriamakenã João hiwea mawamas ishanai keska ẽ xinaĩ hawẽ dabanã iyamawe. Mianã, haska ẽ mia yunumis besti akubaĩkĩ ea txibãpakeshãwẽ —akĩ Jesusũ Pedro yuiniki.

João 5:25

Txanima ana ẽ matu yuiaii. Ẽ Epa Deusũ hawẽ hiwemati kuxipa hamebi hayatũ habias ea inãniki. Haskakẽ hanu bari hawẽ heneaitiã mawabũ ẽ hui nĩkatã besteĩ ana hiweshãkanikiki.

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

João 8:43

Haskakĩ mã ea nĩkakĩ pewakatsi ikabumamẽ? Matu yuinũ nĩkakãwẽ. Ẽ hãtxarã, pata keskatũ ẽ hãtxa mã tapĩ pewabumaki.

Hechos 3:23

Hakia hawenabu bababũ tsuabũra Deusũ hãtxa yuishunika Messias nĩkakatsi ikabuma Deusũ kupikĩ hatu yamawashanikiki, ana hawenabuma wakinã”, aniki.

1 Coríntios 8:3

Hamẽ tsuabũra Deus abukĩ duawakĩ hawẽ yunuti akaiburã, harã, Deusũ hatu unaĩkiki.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

Hebreus 3:7

Haskawẽ taeshũ Deusũ Yushĩ Pepatũ hawẽ hãtxa yuishunai txanimani matu ana xinãmakĩ yuinũ nĩkakãwẽ. “Natiã Deusũ hãtxa matũ mã nĩkaiburã,

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 3:20

Uĩa. Matu tibi haibuwakatsis ikĩ matũ beputi keska matũ huĩti anushũ eã ẽ matu kenakĩ akawaii. Tsuãra ẽ hui nĩkatã ebe haibunamekatsis ikĩ beputi keska matũ huĩti mã ea bepẽshuna matũ hiwe anu hikitã ẽ matubetã pikatsis ikaii.