1 João 5:20 - Kaxinawá Bíblia (BR)

²⁰ Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Kashinawa : Diosun Jesúswen taexun yuba bena yiniki

²⁰ Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.

1 João 5:20 Referencias Cruzadas

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Isaías 54:5

Mia hatũ dami wanitũ natiã ana miki nukukĩ mia aĩwãkĩ akawatã mia haska duawakĩ dasibi mĩ hiwea betsahaira washanikiki, hawẽ kena Dasibi Kushipa Binuhaira Senhor Deusũnã. Mĩ mebikinanika Israelĩ Deus meribi ha dasibi mai hirabi dami wani Deusũnã, mia haska washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Lucas 24:45

ha kenenibu una hau nĩka pewanũbũ

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 10:30

Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

João 14:20

Ha shabatiã haskakaĩ ẽ Epaki ẽ dasia mã unãyã hanua matuki ana nukui ẽ matuki dasiriatã ẽ matube nipakeshanai mã unãshanaii.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 15:4

Hakia hawẽ tashu anua hawẽ mebi betsa meskea ana haska bimitirumaki. Habiaskari wakĩ ea henebaĩkĩ mã Deus benimawatirumaki. Haskakẽ ẽ matu putama keska wakĩ eari putayamashãkãwẽ.

João 17:14

Mikiri ẽ haibuaibu ẽ hatu yusĩayã habũ xinã betsa wai pepaibu habũ ea danãmisbũ ea hatube danãmisbuki, nũ yurabũ xinã keska hayamakenã.

João 17:25

—Epaã, mĩ kaneismaki. Mai hirabi anu yura hiweabũ mia unãbumabiakẽ eã, ẽ mia unaiĩ. Na ebe mapuabũ mĩ ea yununi unãkanikiki.

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

João 20:28

uĩtãs damapaikĩ Tomẽ yuikĩ: —Txanima mĩ ẽ Shanẽ Ibuki, mĩ ẽ mekenã yushĩ Deusrã!— aka

João 8:42

—Deus anua ẽ huniwẽ taeshũ Deus matũ ibu kayabikenã, haska xinãkĩ mã ea aburiakeanaii. Earã, ẽ xinãnẽ aki ẽ huamaki. Hakia hawẽ xinãnẽ Deusũ ea yununi aki matube hiwei ẽ huniki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

Efésios 3:18

Eskaki, matu yuinũ nĩkakãwẽ, Cristõ nui kayabirã. Hashpahaira inũ, txaipahaira inũ, keyatapahaira inũ, uke merã bismahaira keska tibi Cristõ nui mã tapĩtirubuki, mã ha ikũwaĩbunã.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 1:8

Hanushũ hawẽ bakekiri yuikĩ: “Deusuũ, mia shanẽ ibuirã, mĩ ea keska shanẽ ibui ikibi ipakeshanaii, shanẽ ibui hawa txakabu hayamarã.

1 João 2:23

Haska inũ, tsuabura Deusũ bake danaĩ haki dakeirã, hawẽ Epa Deuskiri dakeriaikiki. Ha inũ, tsuabura dakeyamakaĩ hakiri hãtxai peii: “Ẽ Jesus ikũwaiĩ”, ikĩ hawẽ Epakiri shabakabi wariaikiki.

1 João 2:24

Haskakẽ matunã, Deusũ hãtxa mã nĩka taewanirã, matũ huĩti merã ha kaka pepa mã mekea matuki ma dasia hanu hawẽ bake inũ hawẽ Epabe mã ma hatuki dasia hiwekũkaĩriashanaii.

1 João 2:6

Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.

1 João 4:16

Txanima Deus nũ abuairã, ikũwãkĩ nũ ma Deus unãkanaii. Deusrã, nuikipa abunamenikaki. Tsuara ha nui haya hiwearã, Deuski dasia hiweaki, Deusri haki dasiriarã.

1 João 4:2

Haskakiri hãtxaibu mã unãtiruburã, habu Deusũ Yushĩ Pepa hayarã, habũ ikũwãkĩ yuikĩ: “Jesus Cristo tashnirã, yura kayabi bitã kainiki”, ikaibu Deusũ Yushĩ Pepa haya mã unãtirubuki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

1 João 5:15

Nũ habe hãtxakĩ yukai Deusũ ma nuku nĩkatã hawara nũ ma yuka nuku inãshanai nũ unaiĩ.

1 João 5:18

Tsuãra ikũwãkĩ Deus hawẽ Epa wai ma haki dasiarã, ana txakabu mekubaĩtiruma nũ unaiĩ, Deusũ bake Jesusũ mekekubainayarã. Ha dikabi Satanásã yunukĩ ikũwaĩbu kanematirumaki.

1 João 5:5

Hanushũ: “Jesus Deusũ bakeki”, akĩ tsuãra ikũwãkĩ yuikinã, habu bestitũ Deus danaĩbu hatu binukanikiki.

Apocalipse 15:3

Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu