Gênesis 43:29 - Kaxinawá Bíblia (BR)

José hatu uĩbaũkĩ hawẽ betsa mashku Benjamim habe nanea uĩkĩ hatu yukakĩ: —Mã ea yuimarã, matũ betsa mashkurã, hamẽ?— itã Benjamim besti yuikĩ: —Mĩ miamẽ? Atimas ẽ mia uiainã. Hau Deusũ mia pepawakubaĩshanũwẽ— atã

Gênesis 43:29 Referencias Cruzadas

Gênesis 35:24

Hamẽ hawẽ aĩ betsa Raquelĩ huni bake daberã, José inũ Benjamim inikiaki.

Gênesis 42:13

habũri ana kemakĩ: —Nũ haskamahairaki, nukurã, nũ 12 betsabuki, hunibusrã, Canaã anu huni bestitxai hiweatũ bakeburã. Uiã, nukũ betsa mashku hawẽ epa anuki. Hakia betsarã, ma nuku benushuniki— akabu

Gênesis 44:21

Nũ mia haska waiwẽ taeshũ: “Matũ betsa mashku ea uĩmakĩ eanu iweshãkãwẽ”, akĩ mĩ nuku yunuimaki.

Gênesis 45:8

Ea haska wakinã, matũ mã ea akamaki, na mae anu nitxĩkinã. Haska wakinã, nukũ mekenika Deusũ ea aniki. Hanushũ habiatũri Faraónẽ yusinika inũ hawẽ hiwe anu dayanika tsuma inũ hawẽ shanẽ ibu Egito hirabi yunuti mekenika Deusũ besti ea haska waniki.

Salmos 67:1

Deusuũ, nukuwẽ nuikĩ nuku pepawawe. Mĩ uĩ pewaiwẽ nuku duawakubaĩwẽ,

Isaías 33:2

Senhor Deusuũ, miki txiti ikĩ nũ mia manaii. Nukuwẽ nuiriwe! Penama tibi mĩ kushipawẽ merabewakĩ nuku uĩmakubaĩwẽ. Nũ bika teneaitiã nuku merabewakĩ piskumakubaĩwẽ.

Malaquias 1:9

Hau nukuwẽ nuinũ matubunã, menã hawaira Deus yukarikãwẽ. Hakia inabu atimapa sharabu mã hawa shinãma mã menushũmisrã: “Deusũ ea betxipaishũkĩ ewẽ nuishanikiki”, ikĩ manakĩ haska shinãyamakubaĩkãwẽ. Deus kushipa dasibi binuatũ eska matu yuikiki:

Números 6:25

Senhor Deusũ matu uĩ benimai hau matuwẽ nuikĩ hawẽ pepa hau matu uĩmakubaĩshanũwẽ.

Mateus 9:2

ma ana Jesus hua nĩkatã huni yura babuni hawẽ dakatiki daka hawẽ haibuaibũ bakebirã datãtã: “Jesusũ shushawatiruki”, iwanã, xinaĩbũ ikũwaĩbu Jesusũ unãkĩ huni yura babuni yuikĩ: —Dateyamawe. Mĩ txakabuwẽ Deusũ mia kupikatsis ibiakĩ mã ea ikũwaĩwẽ taeshũ hau ana xinãyamanũ ẽ mia buashunaii— akaya

Mateus 9:22

Jesus niti itã nasaukekaũ uĩkĩ ha aĩbu yuikĩ: —Aĩbuũ, mĩ ea ikũwãyã ẽ mia shushawashuki. Ana isĩ teneama unãnuma kai periwe— aka habiatiãri ana himi ikama kaya

Marcos 10:24

hawẽ tsumabũ hawẽ hãtxa nĩkai Habaa! ikaibũ Jesusũ ana hatu yuikĩ: —Ikũki. Ha yuinaka ewapa camelorã, ha shumush hawẽ txishuiki hawẽ yura kaĩmakinã, tsuã atirumaki. Hakia haska keska bikarã, huni mabu itxapayarã, hawẽ mabu besti xinaĩ hawẽ nuikĩ hatũ xinã betsa wama Deuski txiti itirubumaki— hatu waya

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

Hebreus 13:1

Ma hawẽ henea yusĩa kene ẽ matu bumai uĩkãwẽ. Jesus matubetã ikũwaĩbube nui heneama hatube abunamei duanamepakekubaĩkãwẽ.

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka