Isaías 33:2 - Kaxinawá Bíblia (BR)

² Senhor Deusuũ, miki txiti ikĩ nũ mia manaii. Nukuwẽ nuiriwe! Penama tibi mĩ kushipawẽ merabewakĩ nuku uĩmakubaĩwẽ. Nũ bika teneaitiã nuku merabewakĩ piskumakubaĩwẽ.

Isaías 33:2 Referencias Cruzadas

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 33:22

Senhor Deusuũ, mĩ nuiwenã, mĩ nuku hawa putaismaki. Haska mĩ nuikipa mia anua huai besti nũ manakubainaii.

Salmos 37:39

Tsuara huni pepabu habũ merabe huirã, Senhor Deus anua humiski. Senhor Deusũnã, hatu arukĩ kebeãki, hawara bika teneaibu mekekinã.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Salmos 46:5

Ha mae merã Deus hiweshũ hatu tsuma keyuaki. Shaba betsa tashniai tibi Deusũ merabewakubainikiki.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Êxodo 14:27

ianẽwã bemaki hawẽ mestẽti hi Moisĩ ana sanãkẽ Egito detenamenikabu pashapanãbũ penaya ianẽwã ana haki dasiwakĩ hene merã Egito detenamenikabu Senhor Deusũ hatu atximakĩ bitxikĩ keyunikiaki.

Isaías 40:10

Uiã. Shanẽ Ibu hawẽ kushipaya hawẽ pe yunutiwẽ hatu pe mekei ma huikiki. Hawenabu merabewakĩ hatu piskumatã hatũ manakuti pepa hatu inãshanikiki.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.