Josué 7:19 - Kaxinawá Bíblia (BR)

¹⁹ Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka

Josué 7:19 Referencias Cruzadas

Salmos 32:5

Hakia haska tenekubaĩkĩ ẽ txakabu ana hunekatsi ikama shinã pewatã dasibi ẽ txakabu betsa ẽ miki txani keyuniki. Haska nĩkatã Senhor Deusuũ, mianã, mĩ ea bua keyushuniki.

Salmos 51:3

Mĩ yusiã kanei ẽ patapamis txanima ibubis ẽ ma unaiĩ. Haskatã ẽ shinã uke merã ẽ txakabu ibubis ẽ tere atirumaki.

Lucas 17:18

—Na nawã besti Deus kẽwaĩ txĩtũkirãshuki. Hawẽ tapĩkãwẽ— iwanã,

João 9:24

hanua ana yuinametã shushawaxina ana kenashũ yuikĩ: —Txani txakamahaira Deusũ besuubi nuku yuiwe. Nukũ nũ uiaĩnã, ha hunirã txakabuki, Deusũ hãtxa txibãmarã— akabu

Romanos 10:10

Hanushũ Jesus txibãkĩ matũ huĩti merã ikũwãkĩ xinaĩ Deusũ matu ma pepawaya dateama haska shabakabi tashnimakĩ yuikĩ: “Txanima kayabi Jesus Cristõ ẽ txakabu buaniwẽ taea ẽ Shanẽ Ibuki”, ikaibu Deusũ matu hawenabu wakĩ niti akama habe matu hiwemariashanikiki.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Tito 2:2

Huni ewabu hatu merabewakatsis ikĩ yusĩkĩ, hau parananãma hãtxa kayabi besti yuikubainũbũ, inũ hatũ hiwea pe hau mekenũbũ, inũ hau hatũ xinã pe mekeriakubainũbũ inũ, Jesus Cristokiri nĩkatã hau txibã pewanũbũ inũ, nui hau abunamenũbũ inũ, hawara bika betsa betsapa mei hau kuxipakĩ binukubainũbũ haskakiri hatu yuikubaĩwẽ.

Santiago 1:20

Hamẽ yura betsa ha aki sinatakinã, haska Deusũ abuai keska aki mã pepatirumaki.

Josué 7:20

Acãnẽ Josué kemakĩ haskashina yuikĩ: —Txanima ẽ txaniaii. Israelĩ mekenika Senhor Deusũ hãtxa danaĩ ẽ txakabushinaki. Ẽ eska meshinaki. Mia yuinũ ea nĩkawe.

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

1 Samuel 14:43

haskaya Saulũ Jônatas yunukĩ: —Hawara mĩ kanebirana shabakabi ea yuiwe— aka Jônatasã shabakai txanikĩ: —Txanimaki. Buna bata betxitã ẽ hashi hawẽ debuwẽ besti pukutã eskarabes ẽ me bestibirãshinaki. Ẽ haska wabirãshinawẽ taearã, dateama ẽ mawatiruki— aka

1 Samuel 6:5

Mã bika teneaiwẽ taeshũ su ika keska ouro dami inũ matũ mae anushũ dasibi shuyã pikĩ dasibi txakabuwakĩ keyuaibu keska ouro dami wakĩ keyuabu ha damiyabi inãkĩ Israelĩ enabu mekenika Deus duawakĩ pewakubaĩshãkãwẽ. Mã haska wai Senhor Deusũ uĩtã matu inũ matũ yushibu inũ matũ mai pakea ana kupiama matu heneshanimẽkaĩ.