haska hatuwẽ nuikĩ yusĩbia habũ ikũwãbumawẽ taea huĩti nixmai e inikiaki. Mae urama hiweabu tibi besti anu kakũkaũkĩ Jesusũ hatu yusĩkubaũtani hushũ
Gálatas 1:6 - Kaxinawá Bíblia (BR) Cristo nuikipa pepawẽ taeshũ Deusũ matu katukĩ unãmabianiwẽ taea kanekĩ hawaira henei yusĩa betsaki maekĩ mã harakiri ea xinãtima kayawai e ikĩ ẽ nĩkaii. Kashinawa : Diosun Jesúswen taexun yuba bena yiniki Cristo nuikipa pepawen taexun Diosun matu katukin unanmabianiwen taea kanekin jawaida jenei yusian betsaki maekin man jadakidi ea shinantima kayawai e ikin en ninkaii. |
haska hatuwẽ nuikĩ yusĩbia habũ ikũwãbumawẽ taea huĩti nixmai e inikiaki. Mae urama hiweabu tibi besti anu kakũkaũkĩ Jesusũ hatu yusĩkubaũtani hushũ
—Mã ea peirawawa, ha huni haniara tashnia mã unãmarã. Haskabia ẽ beru ea bepeshxina ẽ ma uĩ pewaii.
Natiã nuku inũ habukiri xinãnanãkãwẽ. Nukubũ nũ ikũwaĩ mekea hayarã, hawama hamẽhaira nũ ikanaii. Haska keskari wakĩ habu judeubumari habias nũ ikai keskari wakĩ nukũ Shanẽ Ibu Jesusũ habu duawaikiki, hawẽ pepawenã— hatu wa
Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.
Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.
Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.
Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.
Natiã matũ yusĩnã 10.000tũ Cristokiri matu yusĩbiaya eã dukũ Jesus mekeakiri ẽ matu yusĩtaniwẽ taea ea dukũ ẽ matũ epa kayabi keskaki. Ea hakimayamakãwẽ.
Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.
Ẽ betsabu inũ ẽ puibuũ, matunã, nĩkairakãwẽ. Deusũ yusĩni Jesus mekenãkiri kaka wakĩ datã akĩ ẽ matu yuikubainirã, yurabũ ea hawa tapĩmama inibuki.
Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.
Txanima ẽ matu yuiaii. Yusĩa betsa naeshuma kuxipa hayama keskawẽ matu yusĩkanikiki. Huni betsabu humepakĩ matu parãkĩ Cristõ matu mekeakiri kakape betsa wakĩ habias hãtxawẽ matu yusĩabumaki. Hatũ yusĩa hãtxarã, hamẽ haki beparamekanikiki.
Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?
Haskakaini kairã, ẽ xinãnẽma Deusũ haska ea unãmaya ẽ kaniki. Jerusalém anu Jesusũ kuxipayabu yununikabube hatube besti itxatã haska hatumaki Jesuskiri kakape judeubumakiri kashũ ẽ hatu yusĩtãmis ẽ kanemismẽkaĩ ika datebetanã ẽ hatuki txaniniki, hau ea nĩkatã unãnũbunã.
Haskawẽ taea ha beya dabekiri nũ unãtinãnibuki. Haska Jesuskiri kakape nũ hatu pe yusĩnũbũ Deusũ nuku yununiki, ea nitxĩkĩ yunukinã. Judeubuma anu kashũ Jesus mekenãkiri ẽ hatu tapĩmanũ bebũkiri ea unãmaniki. Habiaskari wakĩ Jesusũ Pedrori judeubu anu yunukĩ nitxĩrianiki, hau hakiriri hatu unãmakubainunã, hawẽ mekeakirirã. Nũ haska dayamis nuku nĩkakĩ nukũ shanẽ ibubũ nuku unãnibuki.
Ha inũ, Deusũ hawẽ nemati inũ hawẽ yunuti Moisés nuku yusĩmakĩ itxawani matu yuinũ nĩkairakãwẽ: “Mimebi mĩ nuimis keskawẽ huni betsa nuitapai hawaumawẽ nuikĩ hatu merabewakubaĩkãwẽ”, iwanã, Deusũ Moisés kenema nukũ shenipabu nuku yusĩshuniki.
Haska Moisés yusĩa txibaĩ pepanũ ika txĩtũkirã Deus matuwẽ nuini pepa danaĩ Cristo henei mã hawenabumaki.
Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.
Nukũ Yavé Deus ha besti nuikipahairakĩ ea duawatxakayamakĩ hawẽ xinãwẽ ẽ xinã ea betsa wamatã Jesus Cristo ẽ itxakawabiaya ha ikũwaĩbuwẽ ea hatuwẽ nuitiwaniki, Jesus Cristowẽ taeshunã.
Macedônia mai pakea anu kakĩ Éfeso anushũ mĩ hatu pewakĩ mĩ hatu merabewayunũ ẽ mia baxibiranima keska habias ẽ mia ana yunuaii. Tsuabũra ha hatũ yusĩnãbũ hatũ xinã meribis hau hatu yusĩtxakayamanũbũ hatu nemakĩ pewawe.
Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.
Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.
Natiã ana haskama matũ hiwea betsa watã meribi pepakubaĩkĩ bika tenekĩ hatu uĩmakubaĩkãwẽ, hatũ matu katuni meribi pepa hiwea keskariairã.
Deus kuxipa paepatũ haska hatũ abuai keska hawẽ hiwekĩ nũ hakiri xinãkubainũbũ nuku inãki, Jesus Cristo nũ ikũwãyã Deusũ nuku kenatã hawẽ daya pepa nũ hayashanũbũ hawẽ kuxipa meribiwẽ nuku katukinã.
Nukũ Shanẽ Ibu Jesus Cristõ hau matu dasibi hawẽ pepawẽ duawakubaĩshanũwẽ. Ea uĩmakubirãshu ẽ hãtxa txanimarã, hatiski. João