1 Pedro 1:15 - Kaxinawá Bíblia (BR)

¹⁵ Natiã ana haskama matũ hiwea betsa watã meribi pepakubaĩkĩ bika tenekĩ hatu uĩmakubaĩkãwẽ, hatũ matu katuni meribi pepa hiwea keskariairã.

Kashinawa : Diosun Jesúswen taexun yuba bena yiniki

¹⁵ Natian ana jaskama matun jiwea betsa watan medibi pepakubainkin bika tenekin jatu uinmakubainkanwen, jatun matu katuni medibi pepa jiwea keskadiaidan.

1 Pedro 1:15 Referencias Cruzadas

Isaías 35:8

Habianuri kapuketi bai betsa hawẽ kena kenakinã, “Bai Meribi Deusunaki”, ashãkanikiki. Tsuabũra hatũ txakabu pewai txukisbuma ha baiwẽ butirubumaki. Nĩkaisbumari hanu mapui hawẽ kapuketirubumariki.

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Romanos 9:24

Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 3:14

Haska Jesus Cristowẽ nuku Deusũ yubani haska nai anua haki nukukĩ haria bishanũ ika nĩkamas Jesus ẽ dayashũkũkainaii.

Filipenses 3:20

Hakia nuku ikirã, nũ haskamaki. Nukũ mae kayabi nai anuki. Haska nũ manakaiburã, nukũ mekenika nukũ Shanẽ Ibu Jesus Cristo ana hushanai nũ manakakubainaii.

1 Timóteo 4:12

Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Santiago 3:13

Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.

Apocalipse 4:8

hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu