Ezequiel 2:3 - Kaxinawá Bíblia (BR) ea yuikubaĩkĩ: “Mĩ miaki, hunirã. Ẽ mia yunuai Israelĩ enabu ea hatu yuishũtãwẽ, habũ ẽ hãtxa nĩkakĩ txibaĩsbuma patapabũ ea danaĩ eki sinatamisbu anurã. Hatũ shenipabũ ea danãkĩ taewanikẽ na habiatiãri habũ bababũri ea danãriakubaĩkanikiki. |
Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.
ẽ haska wabia Senhor Deusũ ea yuikĩ: “ ‘Ẽ berunãki’, ikĩ yuiyamawe. Hanu ẽ mia yunuai anu mĩ kakũkaĩshanaii. Haska ẽ mia hãtxamai hãtxakĩ mĩ hatu yuikubaĩshanaii.
“Haki keneti una sebi biwe. Ha bitãshũ Israelĩ enabukiri inũ, Judá enabukiri inũ, nawa betsa betsapa shukuabu tibikiri ẽ hãtxa dasibi ẽ mia yuikubainima keneriwe, Josias shanẽ ibuhairaitiã mibe hãtxai taekĩ ẽ mia yui taewabiranima kenetiyashũ akubaĩkĩ natiã ẽ mia yuiriashina kene keyukinã.
“Ẽ kẽwãti hiwe hemaĩtĩ shui dapi nishũ na hãtxa hatu yusĩkĩ hatu nĩkamatãwẽ. Mã dasibi Judá enabuũ, mã Senhor Deus habũ kẽwanũ ika hikiaiburã,
Hakia habiatiãri txashuwã ẽ mekebiakẽ Senhor Deusũ ea henematã ea yuikĩ: “Enabu Israelbu norte anu hiweabu anu kashũ ẽ kushipawẽ ẽ hãtxa ea hatu yuishũkubaĩtãwẽ”, iwanã, ea nitxĩmaki.
Haska matũ shenipabũ ẽ hãtxa henenibu keska wakĩ matũri ẽ yunuti hãtxa inũ ẽ nemati hãtxa henekĩ mã hawa txibãkatsi isbumaki. Ea ẽ Senhor Deus kushipahaira dasibi binuatũ ẽ matu yuiaii. Ea shinaĩ ea anu ana txĩtũbirãkãwẽ. Mã haskaibũ eari matu anu ẽ txĩtũriashanaii, matu ana mekekubainirã. Hakia matũ ea yukakĩ ‘Hawa wai mia anu nũ ana txĩtuaĩ?’ mã ikaya
txipu mishki ewapa bebũshũ Moisés inũ Arãonẽ hawenabu itxawashũ hatu yuikĩ: —Nĩkaisma huĩti kushibuũ, nĩkakãwẽ, matu yuinunã. Matu ũpash amanũ, iwanã, na mishki ewapa anu matu ũpash tashnimashũkĩ matu shuru imashũpa, mã ha anũbunã?— akĩ
Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.
Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.