Números 20:10 - Kaxinawá Bíblia (BR)

¹⁰ txipu mishki ewapa bebũshũ Moisés inũ Arãonẽ hawenabu itxawashũ hatu yuikĩ: —Nĩkaisma huĩti kushibuũ, nĩkakãwẽ, matu yuinunã. Matu ũpash amanũ, iwanã, na mishki ewapa anu matu ũpash tashnimashũkĩ matu shuru imashũpa, mã ha anũbunã?— akĩ

Números 20:10 Referencias Cruzadas

Gênesis 40:8

ha dabetũ yuikĩ: —Nũ usha namatxakashinai shinaĩ tsuã nuku unãshũkĩ shabakabi nuku yuitima nũ tsaua ikaii— akabu —Mã namashinairã, Deusũ matu unãmatiruki. Hani mã namashinai ea yuikãwẽ, nĩkanunã— hatu wa

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka

Números 20:24

“Arãorã, ma mawaikiki. Ũpash txatxa Meribá dapishũ ẽ yunua hãtxa mã akama ikimawẽ taea hanu Israelĩ enabu ibuwamakatsi ẽ hatu yubani anu Arão hikitirumaki.

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

1 Coríntios 3:7

Matu yusĩkĩ matũ huĩtiki Deusũ kakape ẽ bana keska watanima mibã naxima keska wakĩ Apolõ txanima matu merabewatanimaki. Hamẽ nuku daberã, nũ hawamaki. Hawẽ kakape matũ huĩti anu Deusũ besti ewawakĩ yumewamiski. Haskakẽ ha daya nũ amisrã, nukunamaki. Epa Deusũ daya bestikẽ ha besti kẽwãkubaĩkãwẽ.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.