Números 20 - Kaxinawá Bíblia (BR)

Mishkikia Moisĩ ũpash hatu tueshunikiaki, na hãtxarã

¹ Bukubauni ano bena hawẽ ushe ha dukũ kaiaĩtiã hanu tsua hiweabumanu hawẽ kena Zim anu hikishũ mae Cades anushũ hatũ tari hiwe pũtebauna hanu hiweyuabũ hanua Moisĩ pui Miriã mawa habianuri maiwanibukiaki.

² Yurabũ hania ũpash atima hayamakẽ Moisés inũ Arão ha akatsi itxatã

³ Israelĩ enabũ Moisés yuikĩ: —Haska nukunabu Senhor Deusũ hatu kupiaya nũ ma hatube mawati sharashinaki.

⁴ Nukurã, nũ Senhor Deusũ enabuki. Haskakĩ nenu hanu tsua hiweabuma anu mĩ nuku iweimamẽ, nukũ inabube nuku tenanũ, iwananã?

⁵ Na mae txakabuhaira anu mĩ nuku iweimamẽ? Haskakĩ Egito anua mã nuku tashnimabirãyamamẽ? Nenushũ nũ hani mibãtimaki. Ha figueira inũ, uva inũ, hawa bimi betsa pepa hayamaki. Ha inũ, hania nũ ũpash akai hayamariki— akabu

⁶ hawenabu hatu henebaini Moisés inũ Arão ka hanu Deuski nukuti tari hiwe hikiti shui anu dãti iki maiki beti ikabũ hanua Senhor Deus hawẽ kushipawẽ txashakirã hatuki nukutã

^7-8 Moisés Senhor Deusũ ana yuikĩ: —Ha mestẽti bitã mĩ betsa Arãobetã minabu ha mishki bebũ hatu itxawawe. Ha itxabu bebũshũ hau ũpash shuru inũ ha mishki ewapa hãtxawẽ yunuwe. Hanua mĩ yunua ũpash tueai mĩ uĩshanaii, hau minabu inũ hatũ inabũ hanua ũpash anũbunã— aka

⁹ haska Senhor Deusũ Moisés ma yunua Senhor Deus hatube yubakani hãtxa aruni bau anua Moisĩ hawẽ mestẽti bishũ

¹⁰ txipu mishki ewapa bebũshũ Moisés inũ Arãonẽ hawenabu itxawashũ hatu yuikĩ: —Nĩkaisma huĩti kushibuũ, nĩkakãwẽ, matu yuinunã. Matu ũpash amanũ, iwanã, na mishki ewapa anu matu ũpash tashnimashũkĩ matu shuru imashũpa, mã ha anũbunã?— akĩ

¹¹ haska hatu yuitã mestẽti sanãtã dabeki mishki ewapa kusha ũpash itxapa tuei shuru iki taeaya yurabu inũ hatũ inabubetã akaibũ

¹² hakia Senhor Deusũ Moisés inũ Arão ana yuikĩ: —Ũpash hatu amakĩ haska ẽ matu yunua shinãkĩ mã akama inũ hatu bebũshũ mã pe ea hatu kẽwãmamawẽ taea ha mai pepa hanu ẽ hatu ibuwamashanai anu ha yurabube kai maturi mã hikiama ishanaii— akĩ Senhor Deusũ ha dabe hatu kupinikiaki.

¹³ Yuã txakayamabiabu hene hatu ana inãkĩ hawẽ duapa pae Senhor Deusũ hatu uĩmaniwẽ taeshũ ha txatxa henerã, “Meribáki”, akĩ kenamisbuki, nukũ hãtxawẽ: “Yuanananibu txatxaki”, akinã.

Edom nawabũ hatũ mai pakea anu Israelbu hatu kapukemama inibukiaki, na hãtxarã

¹⁴ Ana betsatiã Edom nawabu, Jacó betsa Esaú enabu ma pakubiranaibu anu hatũ shanẽ ibu hau yuishũtanũbũ Cades anu hikitã Moisés hawenabu betsabu hatu yunua bui Edom nawa shanẽ ibuhaira anu hikishũ Moisés yuishũkĩ: “Mĩ betsabu Israelĩ enabũ mia yukakatsis ikanikiki. Eskaki, mia yuinũ nuku nĩkawe: Haska bika tenei nũ hiwekũkiranai mĩ unãhairaii.

¹⁵ Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.

¹⁶ Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

¹⁷ Mĩ mai pakea anu kapukekaĩkatsi nũ mia yukai ikaii. Matũ mibanu inũ matũ uva bimi kenekauananu nũ hanu kamaki. Ha dikabi, matũ ũpash bana nũ akama ishanaii. Mĩ bai hashpa anu besti nũ tanabaĩkatsis ikaii, yusiuri inũ yusmauri hikikaunamarã. Mĩ mai pakea nũ kapukekĩ binuriama mĩ bai hashpa anua nũ hani tashniama ishanaii. Kapukekaĩtãpa?” akĩ Moisés ha shanẽ ibu yuishunabu

¹⁸ hanushũ Edom nawabu shanẽ ibuhairatũ hatu kemakĩ yuikĩ: —Ẽ mai pakea mã kapukebaĩtirubumahairaki. Ẽ hãtxa nĩkama mã buaibũ matu nemai ẽ detenamenikabuya matuki nukui ẽ tashnikaĩshanaii— hatu waya

¹⁹ daewakĩ ha Israelĩ enabũ ana yuikĩ: —Dateyamawe. Mĩ bai pepa hashpa besti nũ tanakubaĩshanaii. Nuku inũ nukũ inabũ matũ ũpash bana anua nũ akarã, peiwẽ nũ mia pakashanaii. Mĩ mai pakea anu besti hawa meama nũ binu kaĩkatsis ikaii. Nukuki dateyamawe— akabu

²⁰ haska wabiabu Edom nawabu shanẽ ibuhairatũ ana hatu yuikĩ: —Haskamaki. Mã kapuketirumahairaki— hatu watã Israelĩ enabuki nukui hawẽ detenamenika kushipabu itxapabe tashnibirã

²¹ hau kapukeyamanũbũ hatu nemahairaibuwẽ taea datei Israelĩ enabu bai betsakiri bukatsi benanibukiaki.

Arão mawanikiaki, na hãtxarã

²² Hanua Israelĩ enabu dasibi mae Cades anua tashnibaini Mati Hor bai kakiri hanu hikiabũ

²³ Edom mai pakea kesua dapishũ Moisés inũ Arão Senhor Deusũ ana yuikĩ:

²⁴ “Arãorã, ma mawaikiki. Ũpash txatxa Meribá dapishũ ẽ yunua hãtxa mã akama ikimawẽ taea hanu Israelĩ enabu ibuwamakatsi ẽ hatu yubani anu Arão hikitirumaki.

²⁵ Haskawẽ taeshũ Moisĩ, mianã, mĩ betsa Arão inũ hawẽ bake Eleazar Mati Hor mamaki anu hatu iyuwe.

²⁶ Hanushũ Deusbe hãtxashunika tari txaipa Arão anua pekatã Eleazar sawemashãwẽ. Mĩ haska waya hanua Arão mawaikiki”, hatu wa

²⁷ haska Senhor Deusũ Moisés yunua anũ ika hatube kai Israelĩ enabu dasibibũ uiaĩbũ Mati Hor mamaki anu mapekeabu

²⁸ hanushũ Moisĩ Arão anua ha Deusbe haya hãtxati tari txaipa pekatã hawẽ bake Eleazar sawemaya mati mamaki habianuari Arão mawakẽ Moisés inũ Eleazar mati anua butubirã

²⁹ Arão ma mawa dasibi hatu banabimakĩ keyuabu ma mawawẽ taea Israelĩ enabu 30 dia kashakubainibukiaki.