Números 20:14 - Kaxinawá Bíblia (BR)

¹⁴ Ana betsatiã Edom nawabu, Jacó betsa Esaú enabu ma pakubiranaibu anu hatũ shanẽ ibu hau yuishũtanũbũ Cades anu hikitã Moisés hawenabu betsabu hatu yunua bui Edom nawa shanẽ ibuhaira anu hikishũ Moisés yuishũkĩ: “Mĩ betsabu Israelĩ enabũ mia yukakatsis ikanikiki. Eskaki, mia yuinũ nuku nĩkawe: Haska bika tenei nũ hiwekũkiranai mĩ unãhairaii.

Números 20:14 Referencias Cruzadas

Gênesis 25:23

Senhor Deusũ kemakĩ: —Ha bake dabe mĩ pustu meranuarã, habus hiwea yura shukua dabe detenameshanaibu bebũkiri mia bika tenemaibu mĩ hayaki. Huni bake dabe mĩ kaĩshanaii, betsa kushipa inũ betsa kushipa beshmasrã. Ha mashku kaiãtũ hawẽ betsa iyua tsuma washanikiki— aka

Gênesis 25:25

ha dukũ kaĩshu uiãbu hawẽ yura hirabi dani tashipa hayawẽ taeshũ kenakĩ: “Esaúki”, anibukiaki.

Gênesis 25:26

Hanua mashkũ iyuatũ tae txitxuku tsuma kaiã kenakĩ: “Jacóki”, anibukiaki. Hanua hawẽ aĩ Rebeca hawẽ bake dabe kaĩkẽ Isaque 60 ano hayanikiaki.

Gênesis 32:29

hanushũ Jacó yukakĩ: —Miarã, harakiri mĩ kenamẽ? Ea yuiwe— aka —Haskai ẽ kena mĩ yuka ikaii?— iwanã, hawẽ kena yuiama hanushũ Jacó hawẽ kushipawẽ pepawa bestitã kaya

Amós 1:11

Hanushũ Senhor Deusũ ana betsakiri yuikĩ: “Edom nawabũ mai pakea anu hiwebaunabũ txakabu betsa betsapa akubainibuki. Haskawẽ taeshũ hatu kupikĩ ẽ heneama ishanaii. Israelbu hawenabu kayabibia hatuki sinatahairai tsuã hatu nematiruma ibubis hatukiri shinaĩ hatuki daetiruma hatuwẽ nuiama nupe txaipa kenuhairawẽ detekĩ txibãbaĩkĩ hatu itxakawanibuwẽ taeshũ hatũ maewã Temã kuakĩ hatũ shanẽ ibũ maewã Bozra anu shanẽ ibubũ hiwe hawẽrua tibi txiwẽ ẽ hatu yamawamashanaii”, ikĩ Senhor Deusũ yuiniki.

Malaquias 1:2

Israelĩ enabu Senhor Deusũ yuikĩ: “Eanã, ẽ matu betxipaikĩ heneismaki”, ẽ matu wa, hakia matũ ea kemakĩ: “Mĩ nuku betxipaiai haskatã nũ unãkubainai?” mã ibiaya ẽ ea Senhor Deusũ matu kemakĩ: “Ẽ matu haska keska wai shinãkãwẽ. Esaú inũ Jacó hawẽ betsahairabiakẽ matũ shenipabu Jacó besti betxipaikĩ duawakĩ

Números 13:26

Parã hanu tsua hiweabuma anu mae betsa hawẽ kena Cades anu Moisés inũ Arão inũ Israelĩ enabu dasibibu hanushũ hatu manai maniabu anu hatuki ana nukutã haska ha mai pakea anu uĩbaũshinabu dasibibuki txanikĩ bimi pepa hanua beshiãbu hatu uĩmabaũkĩ keyutã

Números 20:15

Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.

Números 20:22

Hanua Israelĩ enabu dasibi mae Cades anua tashnibaini Mati Hor bai kakiri hanu hikiabũ

Josué 2:10

Haska Egito anua mã pashaibu Senhor Deusũ Ianẽwã Tashipa matu pashkashuna mã pukebirani inũ Hene Jordão ukeri kesha betsauria Amorreu nawa shanẽ ibu dabe Seom inũ Ogue hatunabube mã hatu yamawaimairã, nũ unaiĩ.

Josué 2:9

—Na mai pakea Senhor Deusũ matu ibu wamaikiki, ẽ unanã. Dasibi nenu hiweabu nũ datei keyuaii, matuwẽ taearã.