Números 20:15 - Kaxinawá Bíblia (BR)

¹⁵ Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.

Números 20:15 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 46:6

Jacó dasibi hawenaya hawenabu inũ hawẽ txashuwã inũ dasibi Canaã anu hiweshũ mabu bimis haya dasibiya Egitokiri kakĩ

Gênesis 46:7

hawẽ huni bakebu inũ, hawẽ aĩbu bakebu inũ, hawẽ baba hunibu inũ aĩbu hatu iyui haska kainikiaki.

2 Samuel 12:18

hanua 7 dia binutã hawẽ huni bake mawaya anibu unanepabũ hawẽ datei yuiti tenekĩ shinaĩ: “Hawẽ bake hiweyukẽ nũ daewakĩ hãtxa wabia nuku hawa nĩkamahaira ishiãki. Ma bakeishta mawakẽ harakiri nũ yuitirumẽ? Nĩkatã itimaskakawani ibubis itxakanikatiruki, hawẽ nui isĩ teneirã”, ika shinaĩ dateaibũ

Êxodo 1:16

—Matunabu bake kaiaĩbu hatu kaĩmakinã, hawa bake ikimẽkaĩ uĩtã hatu merabewakubaĩshãkãwẽ. Huni bake kaiãyanã, hatu tenãkubaĩshãkãwẽ. Hamẽ aĩbu bake kaiãyanã, heneshãkãwẽ— akĩ hatu yunua

Êxodo 1:22

Ana hawawẽ hatu nematima Egito shanẽ ibu Faraónẽ hawenabu dasibi yunukĩ: —Hebreu huni bakebu tibi kaĩyaĩ hatu mebĩtã nukũ hene anu pukukubaĩkãwẽ, hakia hatũ aĩbu bakebu besti kaĩyaĩ ha hatu heneshũkubaĩkãwẽ, hau hiwenũbunã— hatu wa haska hatũ shanẽ ibũ ma hatu yunua akĩ taewabainaibũ

Êxodo 12:40

Egito mai pakea anu 430 ano Israelĩ enabu pai hiwekubirani hati ano ma keyukẽ Egito mai pakea anua kaĩbaini Israelĩ enabu shanẽ ibu kushipabu tibi hawenabube pashakĩ Senhor Deusũ hãtxa ikũwãkĩ Moisés txibãbainibukiaki.

Êxodo 5:14

hati amisbuti hayamakẽ Egito nawa yununikabũ Hebreu nawa habũ hatu dayamakĩ tanamisbu yukakĩ: —Haskakĩ uatiã mã akubaĩshina keska ma ana akamamẽ, uatiã inũ ikisrã?— akĩ hatu kusha kusha akabu

Números 11:5

Egito anushũ baka mirimahaira hamẽ nũ pikubainimarã, ẽ shinãhairaii, pĩtsikinã. Ha dikabi pepino inũ, melõe batapa inũ, porro inũ, cebola inũ, alho nũ hamẽ pikubaĩmis nũ shinãhairaii.

Números 20:14

Ana betsatiã Edom nawabu, Jacó betsa Esaú enabu ma pakubiranaibu anu hatũ shanẽ ibu hau yuishũtanũbũ Cades anu hikitã Moisés hawenabu betsabu hatu yunua bui Edom nawa shanẽ ibuhaira anu hikishũ Moisés yuishũkĩ: “Mĩ betsabu Israelĩ enabũ mia yukakatsis ikanikiki. Eskaki, mia yuinũ nuku nĩkawe: Haska bika tenei nũ hiwekũkiranai mĩ unãhairaii.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Hechos 7:15

Haskawẽ taea Jacó, hawẽ kena betsa Israel, Egito anu kaima hiwea hanua mawa hanu maiwati tãpe Hamorĩ bakebũ hawẽ hutxi Abraão peiwẽ inãnibu Siquém anu hawẽ yura bushũ maiwatãnibukiaki. Israelĩ bakebu inũ hawẽ baba itxapaburi Egito anuari mawakubainibukiaki— iwanã,

Hechos 7:19

ha shanẽ ibu Faraó benatũ nukũ shenipabu parãkĩ hatu itxakawakĩ hatũ huni bake dama kaĩaĩbu hau tenãnũbũ hatu yunukĩ hatu putamakubainaya