Êxodo 19:12 - Kaxinawá Bíblia (BR)

Na mati ẽ matirã, hau hanu kemayamashanũbũ hawẽ nemati hatu washũshãwẽ. Haska watã hatu yuiwe, hau uĩrashanũbunã, mesekirã. “Ẽ hatu kenamarã, mati anu hau mapekei hanu kemayamashanũbũwẽ. Hau hanu bua binukaĩ paiyamashanũbunã, haratura nĩkamas binukaĩ kanekĩ txakabuwayarã, hau mawanũ kupikĩ tenãshãkãwẽ.

Êxodo 19:12 Referencias Cruzadas

Êxodo 10:28

hanushũ ana Moisés nitxĩkĩ: —Eanua kaĩrikaĩwẽ. Natiã mĩ ea anu ana hutirumaki. Ana hawẽtsaĩs huyamashãwẽ. Mĩ ana nĩkamas huaya ẽ mia hatu tenãmashanaii— aka

Êxodo 19:21

Senhor Deusũ yuikĩ: —Ea uinũ ika hawẽ nemati binubirani itxapa hau mawayamanũbũ hatu nemai ana butuwe.

Êxodo 19:23

Moisĩ Senhor Deus kemakĩ: —Mianu nũ mapekepanã: “Na mati hawẽ nemati kenebaũkĩ enas ea washũwẽ”, akĩ mĩ ea yuishinaki. Mĩ nuku nemashinawẽ taea Mati Sinai minaskẽ mianu kemanũ ika mapeketirubumaki— aka

Êxodo 24:2

Huarã, mia besti mĩ eki kematiruki. Hakia ha mibe mapekeabu ea dapi betirubumaki. Ha dikabi Israelĩ bake betsabũ mia txibaĩ mapeketirubumariki— aka

Êxodo 34:12

Hanu hikitã mã hiweshanai anurã, hatube yubakanameyamashãkãwẽ, matũmebi mekeirã. Hamẽ mã hatube yubakairã, hatũ beya matu beyawamatirubuki, txakabuwakinã, birũ merã hikia keskairã.

Êxodo 34:3

Tsua hau mibe mapekeyamashanũwẽ. Ha dikabi minabũ mati uĩ hau mapekeyamashanũbũwẽ. Haska inũ, matũ inabũ basi pi hau mati bebũ mapuyamariashanũbũwẽ— aka

Deuteronômio 4:9

Hakia 40 ano dasibi mã uĩkubirãshina mã hakimataskayamashanũbũ uĩrahairakubaĩshãkãwẽ, shinã heneamarã. Haska mã uĩkubiranai shinaĩ hiwekubaĩkĩ na habias hãtxa inũ hawara mã uĩkubiranai matũ bakebu inũ matũ bababu shabakabi hatu yusĩkĩ tapĩmakubaĩshãkãwẽ— iwanã,

Hebreus 12:18

Nukunabu Israelbu txaimashũ uĩnibu keska ma haskamaki. Hatukiri ana matu yuinũ nĩkakãwẽ. Habunã, mati ketia here hi ikai tsuã metiruma iniki. Ha inũ, mexu merã inũ niwe kuxipa shũku ikai anu mapunibu keska mã haska keskamariki.

Josué 3:4

Hakia haskaira hatu dapihaira buama benãta duakabi bukĩ hatu txibãkubaĩshãkãwẽ, 1.000 metro niti ikubainirã. Hariri nuku iyuaibu hatu uĩtã hatu txibãkubaĩshãkãwẽ, hariri nuku iyuaibu ha bai mã unãmakirã”, hatu wakeakeaibũ