Apocalipse 2:16 - Kaxinawá Bíblia (BR) Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii. Kashinawa : Diosun Jesúswen taexun yuba bena yiniki Man jatidi jaskabia Dios man chibankatsis ikaidan, matun chakabu jenetan matun shinan betsa watan Dios anu bedikanwen. Tsuada jaskabumaken samama jatu anu kaxun jabun chakabuwaibu kupikin na en nupe chaipa en jaxpanu en tukuanwen en jatube detenamei kaxanaii. |
Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.
Ẽ hana betsa wakĩ ẽ hãtxa nupe txaipa kenuhaira keska ea waniki. Hawẽ mekẽwẽ mekekĩ hunekĩ ea aruniki. Pia kenu dabeya keska ea watã hawẽ pia aruti kapãkã merã ea aruniki.
Deusũ nuku mekemisrã, soldadobũ hawẽ mane maiti sawea hawẽ mekemisbu nukuri nũ haska keskaki, Deuski sinataibũ hau nuku parãyamanũbunã. Haska inũ, Deusũ hãtxa tapĩhairakubaĩkãwẽ. Hawẽ hãtxarã, nupe txaipa hawẽ detenameti keskaki. Hawẽ Yushĩ Pepatũ nuku merabewaya ha Deuski sinataibu nũ hawẽ nematiruki.
Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.
Ha inũ, hawẽ mekẽ yusiuri sete bixi tsuma inũ, hawẽ hashpanu nupe detenameti txaipahaira kenu dabeya tukuã hayaki. Ha inũ, hawẽ besu bari keska txashakĩ shabawaki.
hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.
Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.
cavaloki katsaumeshũ hawẽ nupe txaipa hawẽ hashpanu tukuãwẽ dasibi yura betsabu Jesusũ hatu detekĩ keyukẽ peiyabũ dasibibu habũ nami pi shuku dakakĩ yani waibu ẽ uĩshuki.
Ana Jesusũ ẽ João ea yuikĩ: “Hatũ Deusũ hãtxa yuinika Pérgamo anu itxamisbu mekea na hãtxa ẽ mia yuiai keneshũriwe: ‘Ẽ mane nupe txaipahaira kenu dabeya hayatũ ẽ matu yuiai nĩkakãwẽ.
Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.
Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.
Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.
Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.