Apocalipse 2:12 - Kaxinawá Bíblia (BR)

¹² Ana Jesusũ ẽ João ea yuikĩ: “Hatũ Deusũ hãtxa yuinika Pérgamo anu itxamisbu mekea na hãtxa ẽ mia yuiai keneshũriwe: ‘Ẽ mane nupe txaipahaira kenu dabeya hayatũ ẽ matu yuiai nĩkakãwẽ.

Kashinawa : Diosun Jesúswen taexun yuba bena yiniki

¹² Ana Jesúsun en Juan ea yuikin: “Jatun Diosun jancha yuinika Pérgamo anu ichamisbu mekea na jancha en mia yuiai kenexundiwe: ‘En mane nupe chaipajaida kenu dabeya jayatun en matu yuiai ninkakanwen.

Apocalipse 2:12 Referencias Cruzadas

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Isaías 49:2

Ẽ hana betsa wakĩ ẽ hãtxa nupe txaipa kenuhaira keska ea waniki. Hawẽ mekẽwẽ mekekĩ hunekĩ ea aruniki. Pia kenu dabeya keska ea watã hawẽ pia aruti kapãkã merã ea aruniki.

Hebreus 4:12

Ha Deusũ hãtxa kaĩkinã, paepa hiwea keskatũ nukũ xinã pewakĩ huni hawẽ nupe kenu dabeyatũ huĩti uke merã txapashũ uĩa keska wakĩ nukũ xinã inũ nukũ yushĩ unãti wamiski.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 1:16

Ha inũ, hawẽ mekẽ yusiuri sete bixi tsuma inũ, hawẽ hashpanu nupe detenameti txaipahaira kenu dabeya tukuã hayaki. Ha inũ, hawẽ besu bari keska txashakĩ shabawaki.

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 19:21

cavaloki katsaumeshũ hawẽ nupe txaipa hawẽ hashpanu tukuãwẽ dasibi yura betsabu Jesusũ hatu detekĩ keyukẽ peiyabũ dasibibu habũ nami pi shuku dakakĩ yani waibu ẽ uĩshuki.

Apocalipse 2:1

ana Jesusũ ea yuikĩ: “Ha mae anu hatũ Deusũ hãtxa yuishunika Éfeso anua itxamisbu mekea na hãtxa ẽ mia yuiai keneshũriwe: ‘Ha sete bixi ẽ mekẽ yusiuri ẽ tsuma inũ haki bĩ tsaũti sete ouro mane txãkã daka namakis anu ẽ nimistũ na hãtxa ẽ matu yuiai nĩkairakãwẽ.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.