Apocalipse 19:15 - Kaxinawá Bíblia (BR)

¹⁵ Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Kashinawa : Diosun Jesúswen taexun yuba bena yiniki

¹⁵ Ja Xanen Ibu kaidan, xanen ibu yununika mane kushatia inun jawen jaxpa anu nupe chaipa kenujaida kaian tukunwan jawen jabun Dios ninkaisbuma mai jidabi anuabube jatube detenamei kaidan, jaskawen taea ja Xanen Ibu kayabistun jamebi ja jatuki Dios sinatai jatu uinmakin jaska uva vino tsinikin pema pema amisbu keska wakin Dios kushipa binu keyuatun jawen puben pae jatu memai kaikiki.

Apocalipse 19:15 Referencias Cruzadas

Salmos 2:9

Mane mestẽti tsumashũ shanẽ ibu kushipa dasibibu mĩ hatu yamawashanaii, haska mai kẽti wanikatũ hawẽ kẽti txakabukẽ ibuã pusamis keska wakinã’ ”,

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Joel 3:13

Ha yurabu txakabuhairabu hatu detekinã, ma shekiwã tsekatitiã kani hushiã daka meshtekĩ tsekamisbu keska hatu washãkãwẽ. Vinho wãti ma uva bimi hushĩ keyua tsekatã haki pai pai imisbu keska wakĩ hatu maemakĩ keyushãkãwẽ.

Malaquias 4:6

Elias hushũ epabu inũ habũ huni bakebu sinatanameaibu pewakĩ hatu daenamemakubaĩshanikiki, hatũ shinã betsa wamakinã. Hamẽ Elias hushũ matunabu yusĩkĩ pewamakẽ hakia ea kayabis hushũ matũ mai pakea dasibi kupikĩ ẽ matu yamawakĩ keyui hushanaii”, akĩ Senhor Deusũ hatu yui txani keyunikiaki.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Apocalipse 1:16

Ha inũ, hawẽ mekẽ yusiuri sete bixi tsuma inũ, hawẽ hashpanu nupe detenameti txaipahaira kenu dabeya tukuã hayaki. Ha inũ, hawẽ besu bari keska txashakĩ shabawaki.

Apocalipse 12:5

ha aĩbu anua huni bake kaĩtã ewatã nawa betsa betsapa dasibi binukĩ habũ Deus nĩkabuma hawa kaneama kupi hau shanẽ ibushanũ ha bakeixta kaĩa sheanãtũ shẽapanã iyukĩ hawẽ shanẽ ibũ tsauti anu Deusũ pashawakĩ ainikẽ

Apocalipse 14:10

Deus ma hawẽ sinata pae hatuki tanani hawẽ hatu kupihairakĩ enxofre paxinipawẽ hatu nuitapawakĩ tsekerẽ imakĩ txiwẽ menukĩ hatu kupihairashanikiki, Deusũ nai tsumabu inũ txashuwã bake bebũshunã.

Apocalipse 19:21

cavaloki katsaumeshũ hawẽ nupe txaipa hawẽ hashpanu tukuãwẽ dasibi yura betsabu Jesusũ hatu detekĩ keyukẽ peiyabũ dasibibu habũ nami pi shuku dakakĩ yani waibu ẽ uĩshuki.

Apocalipse 2:12

Ana Jesusũ ẽ João ea yuikĩ: “Hatũ Deusũ hãtxa yuinika Pérgamo anu itxamisbu mekea na hãtxa ẽ mia yuiai keneshũriwe: ‘Ẽ mane nupe txaipahaira kenu dabeya hayatũ ẽ matu yuiai nĩkakãwẽ.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.

Apocalipse 2:27

Haska ẽ Epã ea yunua ẽ habe shanẽ ibumis keska wakĩ shanẽ ibukĩ ea txibãkubaĩmisbũ hatu mekebiabu ẽ hãtxa nĩkaisbuma mane mestẽti tsumashũ mã hatu yamawashanaii, haska mai kẽti wamistũ hawẽ kẽti txakabu pusamis keska wakinã.