Amós 7:15 - Kaxinawá Bíblia (BR) Hakia habiatiãri txashuwã ẽ mekebiakẽ Senhor Deusũ ea henematã ea yuikĩ: “Enabu Israelbu norte anu hiweabu anu kashũ ẽ kushipawẽ ẽ hãtxa ea hatu yuishũkubaĩtãwẽ”, iwanã, ea nitxĩmaki. |
Ha dikabi ẽ ea Senhor Deus kushipahaira dasibi binuatũ haska ẽ mia yuai keskari ẽ tsuma Davi ea yuishũtãshãwẽ: ‘Enabu Israelĩ enaburã, mĩ hatu yunui shanẽ ibukũkaĩshanũ txashuwã itxapa mekekubaini nãta basi bai anu nia txashuwã txipi hatxũ mĩ nia kenatã ẽ mia katuniki.
Senhor Deusũ hãtxa nĩkabirani hanua Elias kai hanushũ Safatẽ bake Eliseũ hawẽ bai anu hawẽ mibã banakatsis ikĩ ketashamebaĩbaina 12 ina awa dabe hi tekishkũrabea habiaskas txitxibaina hawẽ tsumabu mai sheshati awa sharamabaĩkĩ hatu yunubaĩkĩ Eliseũ hatũri hawẽ henekĩ mai mishpu wakĩ ana pewabainaya Eliasĩ betxibirani haki nukunũ ika kakĩ daĩbaĩkĩ Eliseuki hawẽ yabukuti haki puẽkĩ peyabubaini kaya
ẽ haska wabia Senhor Deusũ ea yuikĩ: “ ‘Ẽ berunãki’, ikĩ yuiyamawe. Hanu ẽ mia yunuai anu mĩ kakũkaĩshanaii. Haska ẽ mia hãtxamai hãtxakĩ mĩ hatu yuikubaĩshanaii.
shanẽ ibubu inũ yurã kaiã Jeremiasĩ ana hatu yuikĩ: “Haska na Templo inũ nukũ maewãkiri ẽ hãtxai mã nĩkashurã, emebi ẽ ikamaki. Senhor Deusũ hawẽ kena kushipawẽ ea yunua hua ẽ txanishuki.
Txaimakea inu leão hui kushipawẽ hi hi ikaya tsuã nĩkai datetirubumamẽ? Dasibi datetirubuki. Hamẽ Deusũ hawẽ tsuma ma yunuawẽ taearã, tsuã hãtxashũtirumamẽ? Tsuãra nĩkatã shabakabi hatu banabimatiruki.
Hanua kaĩkaini hanushũ Roma governo pei bishũti hiwe anu ẽ Mateu tsauwa Jesusũ ea betxitã yuikĩ: —Ẽ mia tapĩmai ea txibãkubaĩwẽ— ea wa benitã dasibi hene keyubaĩ txibã taewabaĩ
Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai
Eskawẽ taea nũ ikai matu yuinũ nĩkakãwẽ. Hawara uĩkĩ nũ nĩkakubiranima hakimama hatu yusĩkĩ nũ henetirumaki— hatu wabu
—Nenua ẽ matu kaĩma bushunã, ha Templo hemaĩtĩ anu hikitã hanushũ Deusũ kakape hiwekuĩmati hãtxa dasibi hatu yusĩritãkãwẽ— hatu wa
Saul uĩkubirãmisbũ hatube Saul ikai uĩ habu yuka ikĩ yuikĩ: “Quisĩ bake haskai ikimẽkaĩ? Saulrã, habiari Deusũ hãtxa yuishunikari ikimẽkaĩ?” iake iakeaibũ