Amós 5:11 - Kaxinawá Bíblia (BR) Nuitapaibũ shekiwã trigo tsekaibu mã hamẽ hatu biãmiski, mae shanẽ ibũ yunuti txibãkĩ hatu yumetsũkĩ hatu pema pema aka keska wakinã. Haskawẽ taea mishki hiwe hawẽrua mã hatu amabiaima anu mã ha merã hiweama ikũkaĩshanaii. Uva bai pepa mã hatu banamabiaima hawẽ bimi tsekatã uva vinho wabiaimabu mã hanushũ hawa akama ikũkaĩshanaii. |
hanushũ Senhor Deusũ hawenabu Israelkiriri yuikĩ: “Israelĩ enabu nortekiri hiweabũ txakabu betsa betsapa akubainaibuwẽ taeshũ hatu kupikĩ ẽ heneama iriashanaii, habũ hatu eska wakubainaibuwẽ taeshunã. Israelbũ hawenabu pe hiwebiabũ peiwẽ taeshũ hatu inãkĩ nuitapawamisbuki. Ha inũ, betsa nuitapai hiwebiakẽ hatuwẽ taeshũ hatũ bitxi tae bimisbuki, dayaru escravo hau hatu iyutanũbunã.
Haska inũ, ẽ yunuti pepa txibãma habũ kanekĩ huni betsabu nuitapai keĩsbuma babuwakĩ hatu itxakawamisbuki. Ẽ kena pepa meribikiri ea hatu yuãmakĩ hunĩ hawẽ bakebetã habias aĩbu txutamisbuki.
Shanẽ ibubũ hiwe hawẽrua betsa betsapa hatu txakabu wamakĩ ha elefante hawẽ mashũ makushpi txaipa hushupa nãtakea itxapa beshũ hatu inãbu ha makushpi hiwe wakĩ hawẽrua wanibu txakabuwamakĩ ha hiwe anu shanẽ ibubu matsitiã hanu hiwemisbu inũ bariãtiã hanu hiwemisbu dasibi ẽ hatu yamawamashanaii”, akĩ Senhor Deusũ hawẽ hãtxa txanima mestẽwaniki.
Ma Deusũ matu yunuawẽ taearã, hawẽ hãtxa hatu yuikubaĩkãwẽ: “Maewã Asdode anu shanẽ ibubũ hiwe hawẽrua tibi inũ Egito nawabũ mai pakea anu shanẽ ibubũ hiwe hawẽrua tibi anu bua hatuki txanitãkãwẽ: ‘Hatũ txakabuwẽ taea ibubis hatunabu nuitapa wakĩ itxakawamisbu hatu uinũ ika Samaria mati matipa anu bekãwẽ’, aki hatuki txanitãkãwẽ, habu hiwe txakaibu inũ detenamei betsa betsapaibu hau hatu uĩ benũbunã”, hatu watã
Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.
Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.
Hawa hayabuma nuitapabiaibũ matũ mai anushũ ana hatu itxakawakĩ mã hatu txakabuwamisbuũ, ea nĩkakãwẽ.
Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.
Haskawẽ taeshũ Senhor Deusũ hatu yuikĩ: “Samaria maewã mishki hiwe tibi inũ hatũ kene tibi di akĩ keyutã napaku anu hatũ mishki tibi ẽ hatu urẽmashanaii, ha dukũ mishki buya ewapa wakĩ tsamabaunibu bepẽmana shabakabi uĩtirubu wakinã. Hanushũ maewã shaba washinabu anu uva nishi banatirubu bai ẽ washanaii.
Hatũ yunu bai pepa ibuyabiakẽ hawẽ kemukĩ biãkĩ mã hatu mebĩmisbuki. Hatũ hiwe pepa anu ibu hiwebiakẽ kemukĩ biaĩ mã yumetsumisbuki. Baiya hatũ bake heneshũbaĩshanaibu ha yurabu hawenabuyabis hatu itxakawakĩ mã hatu nuitapawamisbuki.
Bai anu banabiatã mã hawa tsekama ishanaii. Hi bimi azeitona sheniya tsekashũ mã tsinibia hawẽ sheni mã hawa biama ishanaii. Uva bimi batapa tsekashũ haki pai pai ikĩ hawẽ hene mã bibia uva vinho mã hawa akama ishanaii.
hakia Esaú enabu Edom nawabu yuinamekĩ: “Nukũ maiwã pakekauana Deusũ txakabuwabiani ana bena wakĩ nũ pewakubaĩshanaii”, ikaibu hatu nĩkatã ea Senhor Deus kushipahaira dasibi binuatũ hatu kemakĩ: “Matubunã, matũ mai pakea mã ana bena wabiaya ẽ ana matu txakabuwãkĩ keyushanaii”, ẽ iniwẽ taeshũ hatũ mai pakea kenakinã: “Mai pakea txakabuwẽ yupuni maiki”, ashãkanikiki. Hanua: “Ha Esaú nawabuki Senhor Deus sinatatiani hawa hatu heneama hatuki sinatapaketi warianiki”, hatu haska wanikẽ
Matubunã, xinãkãwẽ, habuwẽ datekĩ mã haska hatukiri xinaĩnã. Ha yura mabuwãyãbu mã duawairã, habunã, matu itxakawamisbuki. Ha inũ, habiabũri matu atxishũ sharabaĩkĩ shanẽ ibubu matu inãmisbuki.