Malaquias 1:4 - Kaxinawá Bíblia (BR)

⁴ hakia Esaú enabu Edom nawabu yuinamekĩ: “Nukũ maiwã pakekauana Deusũ txakabuwabiani ana bena wakĩ nũ pewakubaĩshanaii”, ikaibu hatu nĩkatã ea Senhor Deus kushipahaira dasibi binuatũ hatu kemakĩ: “Matubunã, matũ mai pakea mã ana bena wabiaya ẽ ana matu txakabuwãkĩ keyushanaii”, ẽ iniwẽ taeshũ hatũ mai pakea kenakinã: “Mai pakea txakabuwẽ yupuni maiki”, ashãkanikiki. Hanua: “Ha Esaú nawabuki Senhor Deus sinatatiani hawa hatu heneama hatuki sinatapaketi warianiki”, hatu haska wanikẽ

Malaquias 1:4 Referencias Cruzadas

Salmos 33:10

Nawã Deus ikũwãbuma dayakĩ haska betxipaikĩ hatũ mae anu daya ewapa tashnimatã hawẽ hiwebainaibũ Senhor Deusũ hatu betxipaiama nemakĩ beshtekubaĩmiski.

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Jeremias 31:17

Haskashanai manakubaĩshãkãwẽ, matũ bakebu hatũ mae anu ana txĩtũbirãshãkanikikirã. Ea ẽ Senhor Deusũ ẽ hãtxawẽ ẽ matu mestẽwaiĩ”, itã,

Amós 1:11

Hanushũ Senhor Deusũ ana betsakiri yuikĩ: “Edom nawabũ mai pakea anu hiwebaunabũ txakabu betsa betsapa akubainibuki. Haskawẽ taeshũ hatu kupikĩ ẽ heneama ishanaii. Israelbu hawenabu kayabibia hatuki sinatahairai tsuã hatu nematiruma ibubis hatukiri shinaĩ hatuki daetiruma hatuwẽ nuiama nupe txaipa kenuhairawẽ detekĩ txibãbaĩkĩ hatu itxakawanibuwẽ taeshũ hatũ maewã Temã kuakĩ hatũ shanẽ ibũ maewã Bozra anu shanẽ ibubũ hiwe hawẽrua tibi txiwẽ ẽ hatu yamawamashanaii”, ikĩ Senhor Deusũ yuiniki.

Amós 3:15

Shanẽ ibubũ hiwe hawẽrua betsa betsapa hatu txakabu wamakĩ ha elefante hawẽ mashũ makushpi txaipa hushupa nãtakea itxapa beshũ hatu inãbu ha makushpi hiwe wakĩ hawẽrua wanibu txakabuwamakĩ ha hiwe anu shanẽ ibubu matsitiã hanu hiwemisbu inũ bariãtiã hanu hiwemisbu dasibi ẽ hatu yamawamashanaii”, akĩ Senhor Deusũ hawẽ hãtxa txanima mestẽwaniki.

Amós 5:11

Nuitapaibũ shekiwã trigo tsekaibu mã hamẽ hatu biãmiski, mae shanẽ ibũ yunuti txibãkĩ hatu yumetsũkĩ hatu pema pema aka keska wakinã. Haskawẽ taea mishki hiwe hawẽrua mã hatu amabiaima anu mã ha merã hiweama ikũkaĩshanaii. Uva bai pepa mã hatu banamabiaima hawẽ bimi tsekatã uva vinho wabiaimabu mã hanushũ hawa akama ikũkaĩshanaii.

Amós 6:2

Assíria nawabu maewã Calné anu bushũ uĩtãkãwẽ. Hanua Síria nawabu maewã ewapa hatu binua Hamate anu bushũ hatu uĩriatãkãwẽ. Hanua butubaini bushũ Filisteu nawabũ maewã Gate anu bushũ uĩriatãkãwẽ. Ha nawabu betsa betsapabũ mae matuna keskamabiakẽ mã hatu hawa binuamaki. Hakia matũ mai pakearã, hatũ mai pakeatunã, matunarã, binuamaki. Ha mai pakea tibi hawa dasibi pemaki.

Malaquias 1:3

Esaú betxipaiama ẽ dananiki. Esaú mai pakea mati matipa pepabiakẽ betsa wakĩ ha mai ẽ atimapa waniki, yunu benetima wakĩ yuinaka besti hanu hiwetirubu hatu pewashũkinã. Hakia matuna txakabuwakĩ ẽ haska wama iniki”, ẽ ikaya

Mateus 12:30

Haskakẽ tsuabũra ea haibuwama ea nemamisbuki. Ha inũ, tsuabũra yura betsabu ea txibãmama hau ea ikũwãyamanũbũ hatu nemamisbuki, hamakiri xinãmakinã.