Amós 2:7 - Kaxinawá Bíblia (BR)

⁷ Haska inũ, ẽ yunuti pepa txibãma habũ kanekĩ huni betsabu nuitapai keĩsbuma babuwakĩ hatu itxakawamisbuki. Ẽ kena pepa meribikiri ea hatu yuãmakĩ hunĩ hawẽ bakebetã habias aĩbu txutamisbuki.

Amós 2:7 Referencias Cruzadas

2 Samuel 12:14

Hakia Senhor Deus habi mĩ dakehairawaimawẽ taea mĩ huni bake Bate-Seba dama kaĩshina samama ha mia mawashũshanikiki— atã

1 Reis 21:4

Nabotẽ hãtxa wakĩ yuikĩ: “Ẽ ibubũ hatũ bai ea heneshũbaini ẽ mia inãtirumaki”, akĩ kemawẽ taea sinatai punu nuka hawẽ hiwe hawẽrua Samaria anu Acabe txĩtũkaini hikitã daka hawẽ keneki beti ika hawa hãtxama huĩti nishmahaira dakashũ pikatsi ikamakẽ

Ezequiel 36:20

Hakia hanira nawabũ enabu hatu iyukĩ hatũ mae anu hatu bitxitã ẽ kena meribi habukiri yuikĩ: ‘Narã, Senhor Deusũ enabubia hatũ mai pakea anua hatu tashnimabirãkĩ nenu hatu iwenibuki’, hatu akubainaibũ

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 5:11

Nuitapaibũ shekiwã trigo tsekaibu mã hamẽ hatu biãmiski, mae shanẽ ibũ yunuti txibãkĩ hatu yumetsũkĩ hatu pema pema aka keska wakinã. Haskawẽ taea mishki hiwe hawẽrua mã hatu amabiaima anu mã ha merã hiweama ikũkaĩshanaii. Uva bai pepa mã hatu banamabiaima hawẽ bimi tsekatã uva vinho wabiaimabu mã hanushũ hawa akama ikũkaĩshanaii.

Amós 5:12

Kanekubaĩkĩ matũ txakabu heneama mã akubainai ẽ unãhairaii. Pepabu bika tenemakĩ mã hatu danãkubaĩmisbuki. Hau hatũ txakabu kaka wayamanũbũ hune hatũ pei mã hatu biãmiski. Pepa inũ txakabu mã unãti wanikabu bebũshũ habu nuitapaibũ matu merabe yukabiabu mã hatu pewashũkatsi isbumaki, hawa hatu merabewamarã.

Amós 8:4

Hawa hayabuma nuitapabiaibũ matũ mai anushũ ana hatu itxakawakĩ mã hatu txakabuwamisbuũ, ea nĩkakãwẽ.

Miquéias 2:2

Hatũ yunu bai pepa ibuyabiakẽ hawẽ kemukĩ biãkĩ mã hatu mebĩmisbuki. Hatũ hiwe pepa anu ibu hiwebiakẽ kemukĩ biaĩ mã yumetsumisbuki. Baiya hatũ bake heneshũbaĩshanaibu ha yurabu hawenabuyabis hatu itxakawakĩ mã hatu nuitapawamisbuki.

Miquéias 2:9

Hatũ hiwe betxipaiaibu anua aĩbuaibu hatu nitxĩkĩ hawẽ pepati mai ẽ hatu ibuwamani anu hatũ bakebu ana hiwetirubuma wakĩ mã hatu biãkĩ nemakubaĩmiski.

Romanos 2:24

Haska Deusũ hãtxa yuishunikatũ kenekĩ yuikĩ: “Mã haska hiwemiswẽ taea judeubuma Deuski meseama ẽ hẽ imakĩ mã hatu kashe paepawamaii”, haska keneni keska habias kanekĩ mã hatu amakubainaii.

1 Coríntios 5:1

Ikũwaĩ betsa matu anushũ txakabuhairawai hari matu anua kaka huai nũ nĩkairã: “Ikũwaĩ betsã hawẽ ibuã aĩ mebĩkĩ aĩwaĩmaki”, ikaibũ Habaa! Ikũwãbiai hawai mã haska hiweamẽ? Mã mesehairaii. Tsuabura ikũwãbumabiarã, haskai hiweabu nũ nĩkaismaki.