Amós 2:8 - Kaxinawá Bíblia (BR)

⁸ Tsuãra matu diria hawẽ tari biãyuimashũ ha tari bekãtã haki dakashũ yushibubu dami kẽwãti piti mãtxĩtã hatubetã mã pimiski. Ha dikabi tsuã hawa txakabuwakĩ kaneamabiakẽ parãkĩ hamẽ itxakawakĩ hawẽ pei pakamatã ha peiwẽ uva vinho bishũ hatũ mekenika yushĩ kẽwãti hiwe anushũ hatubetã ha vinho mã akubaĩmisbuki.

Amós 2:8 Referencias Cruzadas

Ezequiel 18:12

nuitapaibu inũ hawa hayabuma itxakawakĩ merabewaisma inũ, yura betsa betsapabũ hatũ hawara yumetsumis inũ, huni betsã diria ma pakabiakẽ hawẽ mabu biaĩma ha yaushikĩ ana inaĩsma inũ, mekenika yushibu txani duawakĩ kẽwãmis inũ, hawara betsa betsapa ẽ betxipaiama akubaĩmis inũ,

Ezequiel 18:7

ha dikabi, hawa tsua itxakawaisma inũ, hunĩ diria ma pakakẽ hawẽ mabu biaĩma huni pepabũ hawẽ mabu hatu ana inãmisbuki. Hawa betsa taska hatu yumetsuamarã, hanushũ nuitapai buniaibu hawẽ piti hatu pimamisbuki. Ha inũ, huni betsa tariuma uĩkĩ hatũ tari betsa hatu inãmisbuki.

Amós 3:14

Israelĩ enabũ txakabu betsa betsapa wakubaĩmisbu ha shabatiã ẽ hatu unãti waya Betel anu ha txi tapu hakishũ yushibu betsa kẽwãmisbu ha dabe inũ dabe hawẽ matxãkã meshteabu mai anu tĩ ikaya ẽ hatu yunua yamawashãkanikiki.

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 6:4

Hanushũ piti itxapa washũ pi elefante makushpi mabu wati benibuwẽ hawẽ dakati hawẽruahaira wanibu hanu bashti itã dakai petã txashuwã bake inũ ina awã bake shua nami matu shuishunabu beyuskĩ mã pikubaĩmisbuki.

Amós 6:6

Kẽtxa ewapabuki uva vinho nushukubaĩkĩ mã sheni ininipahaira pepawẽ mã txa iake iakemisbubia matũ mai pakea inũ matunabu txakabuwatirubu hatuwẽ nuiti mã hatukiri shinãkubaĩsmaki.

1 Coríntios 10:21

Ha inũ, Deus kẽwãkĩ Jesus nuku mawashuni xinãmati nushuti akatsis ikĩ yushĩ dami betsa hawẽ kẽwãti nushuti inaĩbu ayamakãwẽ. Jesusũ yura xinãmati misi pikatsis ikĩ yushĩ dami betsa hawẽ kẽwãti inaĩbu piyamariakãwẽ. Haska inũ, ma Deus kẽwãbiai ana husikaĩ yushĩ dami betsa kẽwãtimahairaki, txakabu irumai keskairã.

1 Coríntios 10:7

Hanushũ Moisés kenekĩ: “Ouro ina awa bake damiwabu ha dami uĩ tsaushũ pi inũ mabesh aki benibaũ beyuskĩ ha dami kẽwãnibuki”, hatuki keneniki. Haska judeubũ dami betsa washũ kẽwãnibu keskarã, matũri ana haska husiayamariakubaĩkãwẽ.

1 Coríntios 8:10

Yushĩ dami betsa kẽwãti hiwe anushũ mã ikũwaĩbu kuxipabũ piaya ikũwaĩ betsa babubũ matu uĩkĩ haska yushĩ dami betsa kẽwãkĩ henebianishũ mã ana hawẽ kuxipakiri xinaĩ dabanẽ habũri hawẽ kuxipatikiri pinũ ishũ xinãtirubuki.