1 Samuel 16:12 - Kaxinawá Bíblia (BR)

Jessé hatu yunua bushũ itanabu hawairakirani ha berunã hawẽ bake mashku hikiaya hawẽ yura hawẽruahaira inũ hawẽ beru hawẽruari Samuelĩ uiãyã hanushũ Senhor Deusũ Samuel yuikĩ: —Ha niarã, haki. Hau Israelĩ enabu shanẽ ibuhairashanũ benitã piti sheni mashu ariwe, katukinã— aka

1 Samuel 16:12 Referencias Cruzadas

Gênesis 39:6

hawẽ shanẽ ibu Potifar hawẽ tsumabu betsa ana yunuama José bestitũ hau hatu uinũ yunuima hawara hayawẽ ana nuikĩ shinãma hawẽ pitiwẽ besti nuikũkainikiaki, ana hawa meama hiwearã. José hawẽruawẽ taeshũ dasibibũ uĩkĩ betxipaiaibũ

2 Samuel 7:8

Ha dikabi ẽ ea Senhor Deus kushipahaira dasibi binuatũ haska ẽ mia yuai keskari ẽ tsuma Davi ea yuishũtãshãwẽ: ‘Enabu Israelĩ enaburã, mĩ hatu yunui shanẽ ibukũkaĩshanũ txashuwã itxapa mekekubaini nãta basi bai anu nia txashuwã txipi hatxũ mĩ nia kenatã ẽ mia katuniki.

1 Reis 1:34

Harishũ Israelĩ enabu shanẽ ibuhaira hau hatu ishũshanũ hatu unãti wamakĩ mĩ nukunabu Deusbe hãtxashunika Zadoque inũ Deusũ hãtxa yuishunika Natãnẽ harishũ sheni ininipawẽ maukatãkãwẽ. Haska watã txashuwã mashũ hatu txã txã amakĩ: “Shanẽ ibuhaira Salomão hau hiwekũkaĩshanũwẽ”, akĩ dasibibũ hui kushipawẽ hatu yuimakubirãtãkãwẽ.

Salmos 2:2

Mai anua shanẽ ibu kushipabu shanẽ ibu betsabube Deus inũ hawẽ Katuaki sinatai hatu maemanũ ika yubakai hatuki ha ikanikiki.

Salmos 2:6

“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,

Êxodo 2:2

ana huni bake betsa bima hune pustukĩ batxi shasha sawemis atimas kaiã huni bake hawẽruahaira uĩtã hau hene anu putayamanũbũ yaushitã ushe dabe inũ besti hune yumewakĩ

Hechos 4:27

—Txanima na habiatiã shanẽ ibu Herodes Antipas inũ Pôncio Pilatos na mae anu nawa betsabube inũ Israelbube itxa mĩ tsuma Jesus meribi mĩ katuni Messias mĩ yununi mĩ kẽwãmis haki sinatakanikiki.

Hechos 7:20

ha hatu haska waibutiã Moisés kaĩyã hawẽruahaira pixtakẽ abuhairakĩ hawẽ ibubũ hiwe anushũ hune ewa wakĩ ushe dabe inũ besti huneshũ yumewai

Hebreus 11:23

Ha inũ, Israelbu pahairaibuwẽ taea Egitonawa shanẽ ibu hatuwẽ datekĩ hatũ huni bakebu kaĩaĩ hau tenãkubainũbũ ishũ hatu yunubiaimakẽ hawa dateama Moisés ibubũ Deus ikũwãkĩ hatũ bake hawẽruahaira kaĩaĩwẽ nuikĩ ushe dabe inũ besti huneyunibukiaki.

1 Samuel 16:18

hawẽ tsuma betsã Saul yuikĩ: —Belém anushũ Jessé huni bake mashku Davi hawẽruatũ harpa mawa unãhairai inũ ha dikabi kushipakaĩ detenamea unaĩ inũ pe shinaĩ hãtxai pemis ẽ uĩmaki, Senhor Deusũ haskai merabewakubainairã— aka

1 Samuel 17:42

unuria Davi uĩkĩ huni berunã hawẽ yura hawẽruahaira inũ hawẽ beru hawẽruari haskabe detenametima Filisteu nawã Davi yuikĩ: —Earã, ẽ kamã dabanẽ mĩ hi mestẽtiwẽ mĩ ea kushanũ ika huai?— akĩ hawẽ yushibũ kenawẽ Davi yuputã: —Haskakenã, neri huwe, mĩ namirã, peiyabu inũ pianãbu ẽ mia hatu inainã— aka

1 Samuel 17:55

Davĩ Filisteu nawa Golias detei kai uĩkĩ Saulũ bebũkiri hawẽ detenamenika shanẽ ibu Abner yukakĩ: —Abnerĩ, tsuã huni bake ikimẽkaĩ, ha berunanã?— aka kemakĩ: —Shanẽ ibuũ, Deusũ nuku uiãyã eãri ẽ unãmaki— aka

1 Samuel 9:17

Saul huai Samuelĩ uiãyã Senhor Deusũ yuikĩ: “Ha huni huaikiri ẽ mia hãtxa washinarã, haki. Ha huninã, enabu anua shanẽ ibushũkĩ hatu yunukubaĩshanikiki”, aka