1 Samuel 16:18 - Kaxinawá Bíblia (BR)

¹⁸ hawẽ tsuma betsã Saul yuikĩ: —Belém anushũ Jessé huni bake mashku Davi hawẽruatũ harpa mawa unãhairai inũ ha dikabi kushipakaĩ detenamea unaĩ inũ pe shinaĩ hãtxai pemis ẽ uĩmaki, Senhor Deusũ haskai merabewakubainairã— aka

1 Samuel 16:18 Referencias Cruzadas

Gênesis 39:2

José hawẽ tsuma Potifar hiwe anu dayashunaya Senhor Deusũ merabewaya José hawama pe dayakũkainikiaki.

Gênesis 39:23

Senhor Deusũ José merabewakĩ hamapai José haska wakĩ pepawakubaĩwẽ taea bitxiti hiwe shanẽ ibu hawẽ dayawẽ ana hawẽ nuiama haki txiti ikũkainikiaki.

2 Samuel 17:10

Minabu pubẽ sinatabu inu betsa leão keskabia haska nĩkatã punu nukai babuhairashãkanikiki. Mĩ epa inũ hawenabu habũ txibãmisbu pubẽhairaburã, Israelĩ enabu dasibibũ unãhairakanikiki.

2 Samuel 17:8

Mĩ epa inũ hawẽ detenamenikabu mẽtsisipa pubẽhairabuki. Ursa yushã pubẽ hawẽ bakebu biãbainabu pubẽhairakĩ benai keskai sinatai mĩ epa mesehaira dakaki. Mĩ unaiĩ. Ha dikabi mĩ epa ma detenamei beyawẽ taea hawenabube ushama hakia tari benãta hunea ushakũkainikiki.

Provérbios 12:8

Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

1 Samuel 10:7

Haska mia wa kaimashũ mĩ hatũ hiwea merabewakatsi ikai, pepakĩ hatu ashũkubaĩshãwẽ, Deusũ mia merabewakubaĩshanikikirã.

1 Samuel 16:12

Jessé hatu yunua bushũ itanabu hawairakirani ha berunã hawẽ bake mashku hikiaya hawẽ yura hawẽruahaira inũ hawẽ beru hawẽruari Samuelĩ uiãyã hanushũ Senhor Deusũ Samuel yuikĩ: —Ha niarã, haki. Hau Israelĩ enabu shanẽ ibuhairashanũ benitã piti sheni mashu ariwe, katukinã— aka

1 Samuel 16:17

hawẽ tsuamabu kemakĩ Saulũ hatu yuikĩ: —Peki. Huni betsã harpa mawa unãhairai ea benashũbaũtãkãwẽ. Betxitã ea iweshũtãkãwẽ— hatu wa

1 Samuel 16:19

hanushũ hau yuishũtanũbũ Saulũ hawẽ tsumabu Jessé anu hatu yunukĩ: “Belém anu bushũ Jessé ea yuishũkĩ: ‘Mĩ huni bake Davĩ txashuwã mekenika ea nitxĩshũwẽ’, akĩ Jessé ea yuishũtãkãwẽ”, akĩ hatu yunua

1 Samuel 17:12

Saul shanẽ ibuyukẽ Efrateu nawa Belém anua huni betsa Jessé anibuhaira 8 huni bakeya hawẽ bake mashku Davirã, Jessé 3 huni bake iyua, Eliabe inũ Aminadabe inũ Samá Filisteu nawabube detenamenũ ika Saulbe ma bushiãbu

1 Samuel 3:19

Senhor Deusũ merabewa Samuel yumekũkaini huni ewakũkaĩkĩ haska Senhor Deus yubakani hãtxa hawa betsa heneama Samuelĩ ashũkubainaiwẽ taeshũ