1 Samuel 15:11 - Kaxinawá Bíblia (BR)

—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini

1 Samuel 15:11 Referencias Cruzadas

Gênesis 6:6

Mai anu yurabu ẽ hatu damiwabiani hatũ txakabuwẽ taea ẽ huĩtinĩ ẽ bika tenehairaii”, ishũ ana shinã txãkãma

Gênesis 6:7

yuikĩ: “Yurabu ẽ hatu damiwabiani ea sinatamakanikiki. Yurabu hatu tenãkĩ yamawakĩ habiaskari yuinaka betsa betsapa inũ, maĩ sharaibu inũ, peiyaburi mai anu ẽ hatu damiwani dasibi ẽ habube tenã keyuriashanaii. Ẽ hatu damiwabiani hatukiri ẽ ma shinã betsa hayaki”, inikiaki.

Salmos 110:4

Senhor Deus mikiri hãtxai yubakaniwẽ taearã, Senhor Deusunã, hawa shinã betsa wama ipakeshanikiki, eska hãtxaniwẽ taearã: “Miarã, minabu ebe hãtxashunika niti ikama mĩ ipakeshanaii, Melquisedeque ipauni keskairã.”

Êxodo 32:11

hawẽ mekenika Senhor Deuski datekĩ daewanũ ishũ Moisĩ eska hãtxa yuikĩ: —Senhor Deusuũ, Egito anua minabu mĩ kushipawẽ hatu uĩmakĩ mĩ hatu iweimarã, haskai mĩ hatuki sinata txakayamai?

Êxodo 32:14

Moisĩ hãtxa nĩkatã haska hatu txakabuwati hãtxashu Senhor Deusũ shinã betsa wai beshtekeaya

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Amós 7:3

hanushũ ea kemakĩ yuikĩ: —Haska shinãkĩ mĩ ea yuiairã, ẽ ana haska kaĩmama ishanaii— akĩ hawẽ kupiti Senhor Deusũ heneshinaki.

Jonas 3:10

Nínive anu hiweabu haska wakubaini hatũ txakabu ma heneabũ Deusũ uĩtã hawẽ kupiti Jonasĩ hatu banabimashina Deusũ shinã betsa watã kupiti hatu anu ana yunuamakẽ

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

Mateus 24:13

Matu haska wabiaibũ tsuãra ea txibãkĩ heneisma hatu mekekĩ ẽ hatu pashawashanaii.

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Lucas 6:12

Hanua shaba betsa bari kaya Jesus ha mesti kai mati mapetã ushama Deusbe hãtxaxini

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

1 Samuel 12:23

“Senhor Deus ẽ matu ana yukashunamaki”, iki ea ẽ txakabukatsi ikamaki. Senhor Deus matu yukashuni ẽ henekatsi ikamariki. Haskawẽ taeshũ bebũkiri pe hiwekaĩkĩ mã kaneama ishanũbũ ẽ matu yusĩkubiranaii.

1 Samuel 13:13

Samuelĩ Saul kemakĩ: —Na haska mĩ ashurã, mĩ atimapahairashuki. Haska Senhor Deusũ mia yunuima mĩ kaneama ishurã, mĩ Israelĩ enabu shanẽ ibu niti ikama ikũkaĩkeanaii.

1 Samuel 15:10

hanushũ Samuel Senhor Deusũ hãtxa wakĩ:

1 Samuel 15:3

Na habiatiã Amaleque nawabu anu bushũ hatu detekĩ keyutãkãwẽ. Hatuwẽ hawa nuiama dasibi hatu yamawakĩ keyutãkãwẽ. Hunibu inũ, aĩbuaibu inũ, bake mishtĩbu inũ, dama kaĩshinabu hatu tenã keyukĩ hanushũ hatũ ina awa inũ, hatũ txashuwã inũ, hatũ camelo inũ, hatũ jumento hatũ mabu dasibiyabi yamawakĩ keyutãkãwẽ”, akĩ Senhor Deusũ ea yuikĩ mikiri haska hãtxashinaki— aka

1 Samuel 15:35

haska kainima Samuel mawariama ana haki nukushũ uiãma inikiaki. Senhor Deusũ shinaĩ: “Haskakĩ Saul Israelĩ enabu ẽ hatu shanẽ ibu washunimẽ?” ikĩ shinã betsaiwẽ taea haska washũ Samuel Senhor Deusũ shinã betsawatirumawẽ taea Samuelĩ ana uiãmabia hawẽ nuihairai kashakũkainikiaki.

1 Samuel 15:9

hakia Saul inũ hawẽ detenamenikabũ Agague atxishũ mekeyutã hanushũ hatũ txashuwã bene inũ, yushã pepabu inũ, ina awa bene inũ, yushã shua detekĩ tenãma hakia hatũ mabu pepa karu betsa meketã hanushũ hatũ mabu pepa beshmas inũ hatũ mabu atimapa sharabu besti dera dera akĩ txakabuwakĩ keyuabũ

1 Samuel 16:1

Atimas Senhor Deusũ Samuel yuikĩ: —Saulwẽ taearã, hatiã hawẽ nui kashakũkaini mĩ hakimashanai? Israelĩ enabu Saul hatu shanẽ ibushũkũkainai ana haskai ẽ betxipaiamaki, mĩ haska shinainã. Menã benikaĩ ha piti sheni mĩ txashuwã mashũ bishtuki mata watã Belém anu huni betsa Jessé hiwea anua hawẽ huni bake betsa hau ha Israelĩ enabu shanẽ ibushũkũkaĩshanũ ẽ ma katushinawẽ taea hari katãwẽ— aka

1 Samuel 8:6

yununika shanẽ ibu kushipahaira yukakĩ ea abiabu hatũ hãtxa Samuelĩ betxipaiama haskakiri Senhor Deusbe hãtxakĩ yuka